ଡେସ୍କ: ଓଡ଼ିଶାରେ ବିଜେଡି-ବିଜେପି ମଧ୍ୟରେ ମେଣ୍ଟ ହେବା ନେଇ ବଢୁଥିବା ଚର୍ଚ୍ଚାରେ ଆଜି ରାଜ୍ୟ ବିଜେପି ସଭାପତି ମନମୋହନ ସାମଲ ପୂର୍ଣ୍ଣଛେଦ ପକାଇଛନ୍ତି। ସେ ନିଜ ଟ୍ୱିଟର ହ୍ୟାଣ୍ଡେଲରେ ଏହି ବିଷୟ ପୋଷ୍ଟ କରିଛନ୍ତି। ରାଜ୍ୟର ସମସ୍ତ ୨୧ଟି ଲୋକସଭା ଆସନ ଓ ୧୪୭ଟି ବିଧାନସଭା ଆସନ ପାଇଁ ଦଳ ପ୍ରାର୍ଥୀ ଘୋଷଣା କରିବା ନିଶ୍ଚିତ ହୋଇଛି। ପୂର୍ବରୁ ଦିଲ୍ଲୀରେ ଘନ ଘନ ବୈଠକ, ବିଜେଡି ବୈଠକ ଓ ରାଜ୍ୟ ବିଜେପି ସଭାପତି ମନମୋହନ ସାମଲଙ୍କ ବାରମ୍ବାର ଦିଲ୍ଲୀ ଗସ୍ତ ଓ ଦଳର ବରିଷ୍ଠ ନେତା ଅମିତ ଶାହ ଏବଂ ଜୁଏଲ ଓରାମଙ୍କ ମନ୍ତବ୍ୟ ପରେ ରାଜ୍ୟରେ ବିଜେଡି-ବିଜେପି ମେଣ୍ଟ ଗଠନ ହେବା ନେଇ ସମ୍ଭାବନା ଦେଖାଦେଇଥିଲା।
କେଜ୍ରିୱାଲଙ୍କ ଗିରଫଦାରୀକୁ ନେଇ ମୁହଁ ଖୋଲିଲେ ଆନ୍ନା ହଜାରେ, କହିଲେ- ଏହା ତାଙ୍କ କର୍ମ ଫଳ
ଶ୍ରୀ ସାମଲ କହିଛନ୍ତି, ବିକଶିତ ଓଡିଶା ଗଠନ ସବୁବେଳେ ମୋଦୀଙ୍କ ଲକ୍ଷ୍ୟ ରହିଆସିଛି। ଓଡ଼ିଶାରେ ବିଜେପି ସମସ୍ତ ଲୋକସଭା ଓ ବିଧାନସଭାରେ ଏକା ଲଢ଼ିବ। ଗତ ୧୦ ବର୍ଷ ଧରି ଶ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ଓଡ଼ିଶାର ବିଜୁ ଜନତା ଦଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସରକାରଙ୍କୁ ରାଷ୍ଟ୍ରୀୟ ମହତ୍ତ୍ବ ଥିବା ଅନେକ ପ୍ରସଙ୍ଗରେ ସମର୍ଥନ କରୁଥିବାରୁ, ଶ୍ରୀ ସାମଲ ଧନ୍ୟବାଦ ଜଣାଇଛନ୍ତି।
ଚାଲିଛି ଜୋରସୋର ପ୍ରସ୍ତୁତି; ଫୁଲର ରଙ୍ଗରେ ହୋଲି ଖେଳିବେ ପ୍ରଭୁ ରାମଲାଲା
ଶ୍ରୀ ସାମଲ କହିଛନ୍ତି, ସମଗ୍ର ଦେଶରେ ଯେଉଁସବୁ ରାଜ୍ୟରେ ଡବଲ ଇଞ୍ଜିନ ସରକାର ରହିଛି ସେଠାରେ ବିକାଶ ଓ ଗରିବ କଲ୍ୟାଣର କାର୍ଯ୍ୟସବୁ ତ୍ବରାନ୍ବିତ ହୋଇଛି ଏବଂ ସବୁ କ୍ଷେତ୍ରରେ ସଂପୃକ୍ତ ରାଜ୍ୟମାନେ ମଧ୍ୟ ଅଗ୍ରଗତି ହାସଲ କରୁଛନ୍ତି।
ସାଢ଼େ ଚାରି କୋଟି ଓଡ଼ିଆଙ୍କ ଆଶା, ଅଭିଳାଷ ଓ ଆକାଂକ୍ଷାକୁ ପୂରଣ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୂରଦର୍ଶୀ ନେତୃତ୍ବରେ ଏକ ବିକଶିତ ଭାରତ ତଥା ବିକଶିତ ଓଡ଼ିଶା ଗଠନ ନିମନ୍ତେ ଭାରତୀୟ ଜନତା ପାର୍ଟି ଏଥର ସମସ୍ତ ୨୧ ଲୋକସଭା ଓ ୧୪୭ ବିଧାନସଭା ଆସନରେ ଏକାକୀ ଲଢ଼ିବ ବୋଲି ଶ୍ରୀ ସାମଲ ଟ୍ୱିଟ କରିଛନ୍ତି।
ବିକଶିତ ଓଡିଶା ଗଠନ ସବୁବେଳେ ମୋଦୀଙ୍କ ଲକ୍ଷ୍ୟ ରହିଆସିଛି ।ଓଡ଼ିଶାରେ ବିଜେପି ସମସ୍ତ ଲୋକସଭା ଓ ବିଧାନସଭାରେ ଏକା ଲଢ଼ିବ । – ରାଜ୍ୟ ସଭାପତି ଶ୍ରୀ ମନମୋହନ ସାମଲ
ଓଡ଼ିଶାରେ ଏଥର ବିଜେପି ସରକାର #EtharaBJP pic.twitter.com/nKi3WHUdc6
— BJP Odisha (@BJP4Odisha) March 22, 2024
Comments are closed.