ମୁମ୍ବଇ : ଭାରତୀୟ ଜନତା ପାର୍ଟି ଓ ଶିବସେନା ମଧ୍ୟରେ ଚାଲୁଥିବା ମତଭେଦରେ ପୁର୍ଣ୍ଣଛେଦ ପଡିଛି। ଏହି ଦୁଇ ରାଜନୈତିକ ଦଳ ଆଗାମୀ ଲୋକସଭା ନିର୍ବାଚନ ଏକାଠି ଲଢିବେ। ମହାରାଷ୍ଟ୍ରରେ ସମୁଦାୟ ୪୮ ଆସନ ମଧ୍ୟରୁ ଶିବସେନା ୨୩ଟି ସିଟ୍ ଓ ବିଜେପି ୨୫ଟି ସିଟରେ ନିର୍ବାଚନ ଲଢିବାକୁ ନିଷ୍ପତ୍ତି ହୋଇଛି। ସେହିପରି ଏନିଡିଏ ସହଯୋଗୀ ଆରପିଆଇ ମୁଖ୍ୟ ରାମଦାସ ଅଠବଲେ ମଣ୍ଟେରେ କୌଣସି ଆସନ ମିଳି ନ ଥିବା ଅଭିଯୋଗ କରିଛନ୍ତି।
ବିଜେପି-ଶିବସେନା ମେଣ୍ଟକୁ ନେଇ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିଜଙ୍କ କହିବା ଅନୁସାରେ, ଆମ ଭିତରେ ନିଷ୍ପତ୍ତିକୁ ନେଇ ମତଭେଦ ହୋଇଥାଏ, କିନ୍ତୁ ଆମର ବିଚାରଧାରା ସମାନ। ବର୍ତ୍ତମାନ ସମୟରେ ଦେଶରେ ଦେଶପ୍ରେମକୁ ନେଇ ଏକତା ଦେଖିବାକୁ ମିଳିଛି, ତେଣୁ ଏହି ସମୟରେ ଦେଶପ୍ରେମରେ ବିଶ୍ୱାସ ରଖୁଥିବା ରାଜନୈତିକ ଦଳମାନେ ମଧ୍ୟ ଏକ ହେବା ଦରକାର ବୋଲି ଫଡନାଭିଜ କହିଛନ୍ତି। ସେହିପରି ଏନଡିଏ ସହଯୋଗୀ ଆରପିଆଇ ମୁମ୍ବଇ ସାଉଥ-ସେଣ୍ଟ୍ରାଲ ଆସନ ପାଇଁ ଦାବି କରିଛି। ଯଦି ଆରପିଆଇକୁ କୌଣସି ସିଟ ନ ମିଳେ ମେଣ୍ଟ କଥା ପରେ ଚିନ୍ତା କରିବେ ବୋଲି ଆରପିଆଇ କହିଛି।
ସେହିପରି ମହାରାଷ୍ଟ୍ରରେ ଲୋକସଭା ନିର୍ବାଚନର କିଛି ମାସ ପରେ ବିଧାନସଭା ନିର୍ବାଚନ ହୋଇଥାଏ। ଦୀର୍ଘ ୨୫ ବର୍ଷ ଧରି ବିଜେପି ଓ ଶିବସେନାର ସମ୍ପର୍କ ରହିଥିବା ଫଡନାଭିଜ କହିଛନ୍ତି।
ମହାରାଷ୍ଟ୍ରରେ ବିଜେପି-ଶିବସେନା ମେଣ୍ଟ
Popular Categories
Previous article
Next article