ଚୌଦ୍ୱାର : ପ୍ରଧାନମନ୍ତ୍ରୀଙ୍କ ୧୦୦ତମ ‘ମନ କୀ ବାତ୍’ କାର୍ଯ୍ୟକ୍ରମ ଅବସରରେ ବିଜେପିର ଚୌଦ୍ୱାର ମଣ୍ଡଳ ଆନୁକୁଲ୍ୟରେ ଏକ ଜନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇ ଯାଇଛି । ମଣ୍ଡଳ ସଭାପତି କୈଳାସ ଚନ୍ଦ୍ର ବେହେରାଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲା ଉପ ସଭାପତି ପ୍ରଶାନ୍ତ ହୋତା, ସମ୍ପାଦକ ବୈରାଗୀ ଚରଣ ପ୍ରଧାନ, କାର୍ଯ୍ୟକାରିଣୀ ସଦସ୍ୟ ପ୍ରକାଶ ଚନ୍ଦ୍ର ବଡ଼ଜେନା, ଯୁବମୋର୍ଚ୍ଚା ସଭାପତି ତନ୍ମୟ ସାହୁ ପ୍ରମୁଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିଭିନ୍ନ ଜନହିତକର କାର୍ଯ୍ୟାବଳୀ ଓ ଭାରତ ବିକାଶରେ ତାଙ୍କ ଅବଦାନ ସମ୍ପର୍କରେ ଆଲୋଚନା କରି କୃତଜ୍ଞତା ଜଣାଇଥିଲେ। ଏହି ଅବସରରେ ଅଞ୍ଚଳର ବହୁ ଅନୁଷ୍ଠାନର କର୍ମକର୍ତ୍ତା, ବରିଷ୍ଠ ନାଗରିକ, ସମାଜସେବୀ, ସାହିତ୍ୟିକ, କବି, ଯୁବ ପ୍ରତିଭା ପ୍ରମୁଖ ଶତାଧିକ ନାଗରିକଙ୍କୁ ସମ୍ବର୍ଦ୍ଧିତ କରାଯାଇଥିଲା। ସଜିତ୍ ମହାନ୍ତି, ସନ୍ତୋଷ ସାହୁ, ସୁଷମା ବଡ଼ଜେନା, ଝୁନୁରାଣୀ ଦାସ,ସୁମିତ୍ରା ମହାନ୍ତି, ମମତା ବେହେରା, ଜ୍ଞାନ ରଞ୍ଜନ ପରିଡ଼ା, ଶାରଦା ପ୍ରସାଦ ଦାସ, ସୁସ୍ମିତା ସାହୁ, ସ୍ମୃତି ରଞ୍ଜନ ସାହୁ, କ୍ରୀଷ୍ଣା ରାଓ, ପ୍ରଶାନ୍ତ ମହାନ୍ତି ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।
Comments are closed.