ମାଲକାନଗିରି : ମାଲକାନଗିରି ଜିଲ୍ଲାପାଳ କାର୍ଯ୍ୟାଳ୍ୟ ସମ୍ମୁଖରେ ଥିବା ବଣ୍ଡାବାକୁଲି ପାର୍କ ନିକଟରେ ମଙ୍ଗଳବାର ବିଜୁବାବୁଙ୍କ ଜନ୍ମ ଦିବସ ଉପଲକ୍ଷେ ୧୦ ଫୁଟ ଉଚ୍ଚତାର ବିଜୁବାବୁଙ୍କ ପ୍ରତିମୂର୍ତ୍ତି ଉନ୍ମୋଚିତ ହୋଇ ଯାଇଛିା ଏଥିରେ ମୁଖ୍ୟ ଅତିଥି ଭାବେ ସାଂସଦ ବଳଭଦ୍ର ମାଝି, ମାଲକାନଗିରି ବିଧାୟକ ମାନସ ମାଡକାମି, ଜିଲ୍ଲା ପରିଷଦ ଅଧ୍ୟ କ୍ଷ ଦଶରଥ ପଡିଆମି, ଜିଲ୍ଲାପାଳ ମନିଷ ଅଗ୍ରବାଲ, ପିଡି ଲିଙ୍ଗରାଜ ପଣ୍ଡା, ପ୍ରମୁଖ ଯୋଗ ଦେଇଥିଲେ। ଓଡିଶା ମାଟିର ଗର୍ବ ଏବଂ ଗୌରବ ବିଜୁ ପଟ୍ଟନାୟକଙ୍କର ରାଜ୍ୟ ପାଇଁ ଅତୁଳନୀୟ ଅବଦାନ ରହିଛି। ଭୂମିପୁତ୍ର ବିଜୁ ବାବୁ ନୂତନ ଓଡିଶାର ପରିକଳ୍ପନା କରିଥିବା ବେଳେ ଦୁଃଖୀ ଦରିଦ୍ରଙ୍କ ସେବାରେ ତାଙ୍କର ବଳିଷ୍ଠ ଅବଦାନ ରହିଥିଲ।। ଏଭଳି ପୁନ୍ୟାତ୍ମାଙ୍କ ସ୍ୱର୍ଣ୍ଣ ଓଡିଶାର ପରିକଳ୍ପନାକୁ ସାକାର କରିବା ପାଇଁ ଏହି ଉଦଘାଟନୀ ଉତ୍ସବରେ ଆହ୍ୱାନ ଦିଆ ଯାଇଥିଲ।। ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଗୁଣନିଧି ନାୟକ, କାର୍ଯ୍ୟକ୍ରମ ପରିଚାଳନା କରିଥିଲେ।
