ପାଟଣା – ବିହାରରେ ଜଣେ ସାମ୍ବାଦିକଙ୍କୁ ତାଙ୍କ ଘରେ ଗୁଳି କରି ହତ୍ୟା କରାଯାଇଛି । ସେ ତାଙ୍କ ଭାଇଙ୍କର ହତ୍ୟା ଘଟଣାରେ ଏକମାତ୍ର ସାକ୍ଷୀ ଥିଲେ । ସେହି କାରଣରୁ ତାଙ୍କୁ ହତ୍ୟା କରାଯାଇଥିବା ଆଶଙ୍କା କରାଯାଉଛି । ବିହାରର ଉରରିୟ ରାଣୀଗଞ୍ଜରେ ଅପରାଧୀମାନେ ବାଇକରେ ଆସିଥିଲେ । ସାମ୍ବାଦିକ ବିମଲକୁମାରଙ୍କ ଘର ନିକଟରେ ପଞ୍ଚିବା ପରେ ତାଙ୍କ ନାମ ଧରି ଡାକିଥିଲେ । ପରେ ତାଙ୍କ ଘରେ ପଶି ଗୁଳି କରି ହତ୍ୟା କରିଛନ୍ତି ।
ଦୈନିକ ଜଗରଣର ସାମ୍ବାଦିକ ବିମଳ କୁମାର ରାଣୀଗଞ୍ଜର ପ୍ରେମନଗରରେ ଥିବା ଘରେ ଥିଲେ । ତାଙ୍କୁ ପ୍ରଥମେ ଦୁର୍ବୃତ୍ତମାନେ ନାଁ ଧରି ଡାକିଥିଲେ । ପରେ ତାଙ୍କ ଘରେ ପଶି ଗୁଳି କରିଥିଲେ । ଘଟଣାସ୍ଥଳରେ ହିଁ ବିମଳଙ୍କର ମୃତ୍ୟୁ ହୋଇଥିଲା ।
- Advertisement -
୨୦୧୯ ମସିହାରେ ବିମଳଙ୍କ ଭାଇଙ୍କର ହତ୍ୟା ହୋଇଥିଲା । ସେ ଏହି ମାମଲାରେ ଏକ ମାତ୍ର ସାକ୍ଷୀ ରହିଥିଲେ । ଏହି ଘଟଣାରେ ବିରୋଧମାନେ ନୀତିଶକୁମାରଙ୍କ ନୀତିକୁ ଦାୟୀ କରିଛନ୍ତି । ବିହାରରେ ଜଙ୍ଗଲରାଜ ବୃଦ୍ଧି ପାଇଥିବା ସେମାନେ ଅଭିଯୋଗ କରିଛନ୍ତି ।
