ବେଗୁନିଆ : ବେଗୁନିଆ ଥାନା ଅନ୍ତର୍ଗତ ହୀରାପୁର ଗ୍ରାମରୁ ଗତକାଲି ବିଳମ୍ବିତ ରାତିରେ ଦୁର୍ବୃତ୍ତ ମାନେ ପୂର୍ଣ୍ଣଚନ୍ଦ୍ର ସାହୁଙ୍କ ଘର ସମେତ ପ୍ରସନ୍ନ ଶତପଥୀ ଏବଂ ନିରଞ୍ଜନ ଶତପଥୀଙ୍କ ଘରେ ପଶି ଲକ୍ଷାଧିକ ଟଙ୍କାର ସୁନା ଗହଣା ସହିତ ଜିନିଷ ପତ୍ର ଲୁଟି ନେଇଥିବାର ଜଣାପଡିଛି ।ପୂର୍ଣ୍ଣଚନ୍ଦ୍ର ସାହୁଙ୍କ ଘରର ପଛପଟ ଝରକା ଗ୍ରୀଲ ଏବଂ କବାଟ ତାଡି ଦୁର୍ବୃତ୍ତ ମାନେ ଘରେ ପଶି ଆଲମିରାରେ ଥିବା ୧୨ ଲକ୍ଷ ଟଙ୍କାର ସୁନା ଗହଣା ,ନଗଦ୧ ଲକ୍ଷ ଟଙ୍କା, କିଛି ନୂଆ ଏବଂ ପୁରୁଣା ଲୁଗା ,ଦରକାରୀ କାଗଜ ପତ୍ର ସହିତ ଏ ଟି ଏମ୍ କାର୍ଡ ମଧ୍ୟ ନେଇ ପଳାଇଯାଇଛନ୍ତି । ପରିବାରର ଲୋକମାନେ ସକାଳୁ ଉଠି ଆଲମିରା ଖାଲି ପଡିଥିବାର ଏବଂ ସମସ୍ତ ଜିନିଷ ପତ୍ର ଇତଃ ସ୍ତତଃ ପଡିଥିବାର ଦେଖି ୧୧୨ନଂ କୁ ଫୋନ କରିଥିଲେ ।ଦୁର୍ବୃତ୍ତ ମାନଙ୍କର ପାଦ ଚିହ୍ନ ସମ୍ପୃକ୍ତ ବ୍ୟକ୍ତିଙ୍କ ଘରେ ରହିଥବାବେଳେ ପ୍ରସନ୍ନ ଶତପଥୀଙ୍କ ଘରେ ପଶିବା ପାଇଁ ଉଦ୍ୟମ କରି କବାଟ ତାଡୁଥିବାବେଳେ ଘରଲୋକ ମାନେ ଉଠିପଡିବାରୁ ଘଟଣାସ୍ଥଳରେ ଚପଲ ହଳେ ଛାଡି ପଳାଇଯାଇଛନ୍ତି । ସେହିପରି ନିରଞ୍ଜନ ଶତପଥୀଙ୍କ ଘରେ ପଶିବା ପାଇଁ ମଧ୍ୟ ଉଦ୍ୟମ କରିଥିଲେ । ଅପରାହ୍ନରେ ସାଇଣ୍ଟିଫିକ ଟିମ ଆସି ଘଟଣାସ୍ଥଳରେ ପଂହଁଚି ତଦନ୍ତ କରି ଫେରି ଯାଇଛନ୍ତି ।
ହୀରାପୁର ଗ୍ରାମରୁ ଲକ୍ଷାଧିକ ଟଙ୍କାର ସୁନା ଅଳଙ୍କାର ସହିତ ଜିନିଷ ଚୋରି
Popular Categories
Previous article
Next article