ବାଙ୍କୀ : ବାଙ୍କୀ ନିର୍ବାଚନ ମଣ୍ଡଳୀର ଡମପଡା ବ୍ଲକରେ ଫେବୃୟାରୀ ୨୨ ଏବଂ ବାଙ୍କୀ ବ୍ଲକରେ ଫେବୃୟାରୀ ୨୪ତାରିଖରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଅନୁଷ୍ଠିତ ହେଉଅଛି। ଏଥିପାଇଁ ବୁଥ୍ ସ୍ତରର ସମସ୍ତ ପ୍ରସ୍ତୁତି କାର୍ଯ୍ୟକୁ ଉଭୟ ବ୍ଲକ ପ୍ରଶାସନ ପକ୍ଷରୁ ଯୋରଦାର ପ୍ରସ୍ତୁତି ଆରମ୍ଭ ହୋଇଛି। ବ୍ଲକ ମୁଖ୍ୟ କାର୍ଯ୍ୟାଳୟରେ ଆବଶ୍ୟକ ବାଲାଟ୍ ପେପର ପହଞ୍ଚିଲା ପରେ ଶୁକ୍ରବାର ଦିନ ଦାୟିତ୍ୱରେ ଥିବା ପଦାଧିକାରୀ ମାନଙ୍କ ଦ୍ୱାରା ବୁଥ୍ ସ୍ତରୀୟ ବାଲାଟ୍ ପେପରକୁ ପ୍ରସ୍ତୁତ କରି ଚୂଡାନ୍ତ ପାଇଁ କାର୍ଯ୍ୟ ତ୍ୱରାନ୍ୱିତ କରାଯାଇଛି। ଡମପଡା ବ୍ଲକ ବିଡିଓ ଏବଂ ବାଙ୍କୀ ବ୍ଲକ ବିଡିଓଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଏହି କାର୍ଯ୍ୟ ସଞ୍ଚାଳିତ ହେଉଛି। ସୂଚନା ଅନୁଯାୟୀ ଡମପଡା ବ୍ଲକର ୨୬୨ଟି ବୁଥ୍ ଏବଂ ବାଙ୍କୀ ବ୍ଲକର ୩୩୩ ବୁଥ୍ ରେ ଯଥାକ୍ରମେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବ। ସେପଟେ ଉଭୟ ବ୍ଲକର ସମ୍ବେଦନଶୀଳ ବୁଥ୍ ଏବଂ ଅତି ଉତ୍ତେଜନାପୂର୍ଣ୍ଣ ବୁଥ୍ ଗୁଡିକୁ ଚିହ୍ନଟ କରାଯାଇଶାନ୍ତି ଶୃଙ୍ଖଳାରେ ନିର୍ବାଚନ ହେବା ପାଇଁ ବାଙ୍କୀ ପୁଲିସଓ ପ୍ରଶାସନ ପକ୍ଷରୁ ଦୃଷ୍ଟି ଦିଆଯାଇଛି। ଚଳିତ ନିର୍ବାଚନରେ ବାଙ୍କୀ ବ୍ଲକର ୨୦ଟି ପଞ୍ଚାୟତରେ ୯୧ହଜାର ୮୧୧ଜଣ ଭୋଟର ଏବଂ ଡମପଡା ବ୍ଲକର ୧୭ଟି ପଞ୍ଚାୟତରେ ୭୬ହଜାର ୮୭୩ଜଣ କରି ସର୍ବମୋଟ ୧ଲକ୍ଷ ୬୮ହଜାର ୬୮୪ଜଣ ମତଦାତା ନିଜର ପ୍ରାର୍ଥୀ ଚୟନର ନିର୍ଣ୍ଣାୟକ ଭୂମିକା ଗ୍ରହଣ କରିବେ।
Comments are closed.