ବାଙ୍ଗିରିପୋଷି:ମୟୂରଭଞ୍ଜ ଜିଲା ବାଙ୍ଗିରିପୋଷି-ଦ୍ୱାରସୁଣି ଘାଟିରେ ଆଜି ଏକ ଲୁହାପଥର ବୋଝେଇ ଟ୍ରକ ଧକ୍କାରେ କାରର ପଛରେ ବସିଥିବା ୨ଜଣ ମହିଳାଙ୍କ ମୃତ୍ୟୁ ଘଟିଛି । ସେମାନେ ସମ୍ପର୍କରେ ୨ଯାଆ(୨ଭାଇଙ୍କ ପତ୍ନୀ) ବୋଲି ଜଣାପଡ଼ିଛି। ଦୁର୍ଗା ପୂଜା ଅବସରରେ ଖଡଗପୁରର ଏକ ପରିବାର ଘାଟିରେ ପୂଜା ପାଉଥିବା ମା’ ଦୁଆରଶୁଣିଙ୍କ ପୂଜା ସାରି କାରରେ ଫେରିବା ବେଳେ ଦୁର୍ଘଟଣା ଘଟିଥିଲା । ସମ୍ମୁଖରୁ ଆସୁଥିବା ଏକ ଟ୍ରକ ପାଇଁ କାରଟି ଅଟକିଯିବାରୁ ପଛରେ ଆସୁଥିବା ଲୁହାପଥର ବୋଝେଇ ଟ୍ରକ ଧକ୍କା ଦେଇଥିଲା। ଫଳରେ କାର ପଛରେ ବସିଥିବା ମହିଳା ଚାପି ହୋଇ ପ୍ରାଣ ହରାଇଥିଲେ। ସମ୍ମୁଖରେ ୨ଭାଇ ଓ ଛୁଆ ଆହତ ହୋଇଥିଲେ ହେଁ ମୃତ୍ୟୁ ମୁଖରୁ ବର୍ତ୍ତି ଯାଇଥିଲେ। ଖବର ପାଇ ଦମକଳ ବାହିନୀ ଓ ପୁଲିସ ସେମାନଙ୍କୁ ଉଦ୍ଧାର ପରେ ବାଙ୍ଗିରିପୋଷି ଡାକ୍ତରଖାନାକୁ ଆଣି ଚିକିତ୍ସା ପାଇଁ ଭର୍ତ୍ତି କରିଛନ୍ତି ଏବଂ ତଦନ୍ତ ଜାରି ରହିଛି ବୋଲି ସୂଚନା ଦିଆଯାଇଛି।
Comments are closed.