ଭୁବନେଶ୍ବର: ‘ନବକୃଷ୍ଣ ଚୌଧୁରୀ ଶିକ୍ଷକ ଶିକ୍ଷା ମହାବିଦ୍ୟାଳୟ’ ଏବଂ ‘ଉଇ ନବୋଦୟାନସ’ ର ମିଳିତ ସହଯୋଗରେ ବନ ମହୋତ୍ସବ ସପ୍ତାହ ପାଳନ ଅବସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହାସହିତ ନିକଟସ୍ଥ କଲୋନୀ ଗୁଡ଼ିକରେ ଅଶୋକ, ନିମ୍ବ, ଅଁଳା, କରଞ୍ଜ ଆଦି ଚାରା ବଣ୍ଟନ ମଧ୍ୟ କରାଯାଇଛି। ଏହି କାର୍ଯ୍ୟକ୍ରମରେ ଅନୁଷ୍ଠାନର ଅଧ୍ୟକ୍ଷା ଡ. ଦ୍ରୌପଦୀ ପଟେଲ୍, ଛାତ୍ର ସଂସଦ ଉପଦେଷ୍ଟା ପ୍ରତ୍ୟୁଷ ରଞ୍ଜନ ସାହୁ, ଅନ୍ୟ କର୍ମଚାରୀ ଓ ଛାତ୍ରଛାତ୍ରୀ ମାନେ ଯୋଗ ଦେଇଥିଲେ।
ସେହିପରି ‘ଉଇ ନବୋଦୟାନସ୍’ ତରଫରୁ ପରିବେଶବିତ୍ ସମ୍ପଦ ସାହୁ, ଚାଟାର୍ଡ ଆକାଉଣ୍ଟାଣ୍ଟ ରୁଦ୍ର ନାରାୟଣ ଶତପଥୀ, ଇନଫାଇନିଟି ଏକାଡେମୀର ସୋମ୍ୟ, ନୃସିଂହ, ଶ୍ବେତଜିତ୍, ନନ୍ଦୀ ସମେତ ପାଖାପାଖି ୩୦ ଆଲୁମନି ଯୋଗଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ଉପଜିଲାପାଳ ମଧୁସ୍ମିତା ବିଶି ଉପସ୍ଥିତ ଥିଲେ। ସ୍ଥାନୀୟ ବନ ଅଧିକାରୀଙ୍କ ସହାୟତାରେ ଏହି କାର୍ଯ୍ୟକ୍ରମ ସୂଚାରୁରୂପେ ଅନୁଷ୍ଠିତ ହୋଇଥିଲା।
Comments are closed.