ଭାରସାମ୍ୟ ହରାଇ ଓଲଟିଲା ମାଛ ଭର୍ତ୍ତି ପିକ୍‌ଅପ୍‌ : ଅଳ୍ପକେ ବର୍ତ୍ତିଲେ ଡ୍ରାଇଭର

ଅମର୍ଦ୍ଦାରୋଡ଼ : ବାଲେଶ୍ଵର ଜିଲ୍ଲା ବସ୍ତା ଥାନା ୧୬ ନଂ ଜାତୀୟ ରାଜପଥରେ ମର୍ମନ୍ତୁଦ ଦୁର୍ଘଟଣା ଘଟିଛି। ଭେଲୋରା ଡାଇଭର୍ସନ ନିକଟରେ ଏକ ପିକଅପ୍ ଭ୍ୟାନ୍ ଭାରସାମ୍ୟ ହରାଇ ଓଲଟି ପଡିଛି। ଏଥିରୁ ଅଳ୍ପକେ ବର୍ତ୍ତି ଯାଇଛନ୍ତି ଚାଳକ।  ଘନ କୁହୁଡି ଯୋଗୁଁ ଏଭଳି ଅଘଟଣ ଘଟିଥିବା କୁହାଯାଉଛି। ମାଛ ଭର୍ତ୍ତି ପିକଅପଟି ବାଲେଶ୍ଵରରୁ ପଶ୍ଚିମବଙ୍ଗକୁ ଯାଉଥିବାବେଳେ ଭୀଷଣ କୁହୁଡି ଯୋଗୁଁ ଡ୍ରାଇଭର ଜଣକ ଡାଇଭର୍ସନ ଜାଣିପାରିନଥିଲେ। ଫଳରେ ପିକଅପଟି ଭାରସାମ୍ୟ ହରାଇ ରାଜପଥ ଉପରକୁ ଓଲଟି ପଡିଥିଲା। ଫଳରେ ଗାଡ଼ିଟି ଭାଙ୍ଗିରୁଜି ଯାଇଥିବା ବେଳେ ସୌଭାଗ୍ୟବଶତଃ ଚାଳକ ଜଣକ ଅଳ୍ପକେ ବର୍ତ୍ତି ଯାଇଛନ୍ତି। ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।

Comments are closed.