ମୁମ୍ବାଇ : ମହାରାଷ୍ଟ୍ରର ନାନ୍ଦେଡରେ ଏକ ବଡ ଅଘଟଣ ଘଟିଥିବା ନେଇ ଶୁକ୍ରବାର ଖବର ସାମ୍ନାକୁ ଆସିଛି । କୂଅରେ ଏକ ଟ୍ରାକ୍ଟର ଖସି ପ୍ରାୟ ୬ ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ପୁଲିସ ପକ୍ଷରୁ ମିଳିଥିବା ସୂଚନାନୁଯାୟୀ, ନାନ୍ଦେଡ ଜିଲାକୁ ଚାଷ କାମ ପାଇଁ ଟ୍ରାକ୍ଟରରେ ଶ୍ରମିକମାନେ ଯାଉଥିବା ବେଳେ କୂଅକୁ ଟ୍ରାକ୍ଟରଟି ଖସି ପଡିଥିଲା । ଫଳରେ ୬ ଜଣଙ୍କ ମୃତ୍ୟୁ ହୋଇଥିବା କୁହାଯାଉଛି । ଟ୍ରାକ୍ଟରରେ ପ୍ରାୟ ୧୦ ଜଣ ଶ୍ରମିକ ଥିଲେ ବୋଲି ପ୍ରାଥମିକ ତଦନ୍ତରୁ ଜଣାପଡିଛି ।
ଅଧିକାରୀ କହିଛନ୍ତି, ୩ ଜଣ ନିଜ ଜୀବନ ରକ୍ଷା କରିଛନ୍ତି । ମାତ୍ର ୬ ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ପୁଲିସ ଓ ଉଦ୍ଧାରକାରୀ ଦଳ ଉଦ୍ଧାରକାର୍ଯ୍ୟ ଆରମ୍ଭ କରିଛନ୍ତି । ଏଯାଏଁ ମୃତଦେହ ଜବତ ହୋଇନଥିବା କୁହାଯାଉଛି । ଏହାସହ କୂଅରେ ପାଣି ଭର୍ତ୍ତି ରହିଛି । ଟ୍ରାକ୍ଟରର କୌଣସି ସନ୍ଧାନ ମଧ୍ୟ ମିଳି ନାହିଁ । ପୁଲିସ ଘଟଣାର ତଦନ୍ତ ଜାରି ରଖିଛି ।
Pay Online
Comments are closed.