‘ପଞ୍ଚପଣରୁ ପରମ ବୈଭବ ଶାଳୀ ଭାରତ ‘ ପ୍ରତିଯୋଗିତା

ଭୁବନେଶ୍ଵର: ଖଣ୍ଡଗିରି ହିନ୍ଦୁ ବୁଦ୍ଧିଜୀବୀ ମିଳନ ଓ ଆଇଏମସିଟି ର ମିଳିତ ଆନୁକୁଲ୍ୟରେ ସ୍ଥାନୀୟ ଧର୍ମବିହାର ସରସ୍ୱତୀ ଶିଶୁ ବିଦ୍ୟାମନ୍ଦିରଠାରେ ଭାରତୀୟ ପରମ୍ପରା ଓ ହିନ୍ଦୁ ସଂସ୍କୃତି ଆଧାରିତ ଏକ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଖଣ୍ଡଗିରି ଅଞ୍ଚଳର ୧୦ଟି ବିଦ୍ୟାଳୟ ର ପ୍ରାୟ ୩୦୦ ବିଦ୍ୟାର୍ଥୀ ଏହି ପ୍ରତିଯୋଗୀତାରେ ଅଂଶଗ୍ରହଣ କରିଥିଲେ। ଛାତ୍ରଛାତ୍ରୀମାନେ ଖେଳକୁଦ , ରଙ୍ଗୋଲି, ପୁଚି, କକ୍ତୃତା ପ୍ରତିଯୋଗୀତା, ଚିତ୍ରାଙ୍କନ, ବେଦ ମନ୍ତ୍ର ଓ ଗୀତା ଶ୍ଲୋକ ଉଚ୍ଚାରଣ ଆଦିରେ ଭାଗ ନେଇଥିଲେ।
ପ୍ରତିଯୋଗିତା ପୂର୍ବରୁ ‘ପଞ୍ଚ ପଣ ରୁ ପରମ ବୈଭବ ଶାଳୀ ଭାରତ ‘ ଆଧାରିତ ପ୍ରତିଯୋଗିତା ବିଷୟରେ ହିନ୍ଦୁ ବୁଦ୍ଧିଜୀବୀ ମିଳନ ତରଫରୁ ରମେଶ ଜେନା ଉପସ୍ଥିତ ସମସ୍ତ ବିଦ୍ୟାର୍ଥୀ, ଶିକ୍ଷକ ଓ ଅଭିଭାବକ ଙ୍କ ସାମନାରେ ସମ୍ୟକ୍ ଧାରଣା ରଖିଥିଲେ ।  ଆଜି ର ପରିସ୍ଥିତି ରେ ଭାରତୀୟ ପାରମ୍ପରିକ ହିନ୍ଦୁ ସଂସ୍କୃତି ସହ ବିଦ୍ୟାର୍ଥୀ ମାନଙ୍କୁ ଯୋଡ଼ି ରଖିବା ପାଇଁ ଏହି ପ୍ରତିଯୋଗିତା ଏକ ପ୍ରଚେଷ୍ଟା ବୋଲି ଆଇ ଏମ ସି ଟି ଓଡ଼ିଶା ର ସାଧାରଣ ସମ୍ପାଦକ ବିଶିଷ୍ଟ ଅର୍ଥନୀତିଜ୍ଞ ନାରାୟଣ ଚୌଧୁରୀ ନିଜ ବକ୍ତବ୍ୟ ରେ କହିଥିଲେ ।କୋଳଥିଆ ସ୍ଥିତ ବୀଣାପାଣି ସ୍କୁଲ ରେ ଆଗାମୀ ରାମ ନବମୀ ଉତ୍ସବ ରେ ସମସ୍ତ କୃତି ବିଦ୍ୟାର୍ଥୀ ମାନଙ୍କୁ ପୁରସ୍କାର ପ୍ରଦାନ କରାଯିବ ବୋଲି ରମେଶ ଜେନା ସୂଚନା ଦେଇଥିଲେ ।