୧୨୮ ମିଲିୟନ ଭ୍ୟୁଜ୍‌ ହାସଲ କରିଥିବା ବଦୋ ବଦି ଗୀତକୁ ଡିଲିଟ୍‌ କଲା ୟୁଟ୍ୟୁବ, ଜାଣନ୍ତୁ ସମ୍ପୂର୍ଣ୍ଣ ଘଟଣା

ସମାଜ ଡିଜିଟାଲ ଡେସ୍କ: ପାକିସ୍ତାନର ସୋସିଆଲ ମିଡିଆ ସେନ୍‌ସେସନ୍‌ ଚାହତ ଫତେହ ଅଲି ଖାନ ଏବେ ତାଙ୍କ ନୂଆ ଗୀତ ବଦୋ ବଦିକୁ ନେଇ ଚର୍ଚ୍ଚାରେ। ଏହି ଗୀତକୁ ନେଇ କେବଳ ପାକିସ୍ତାନ ନୁହେଁ ଭାରତରେ ମଧ୍ୟ ବେଶ୍‌ ଚର୍ଚ୍ଚା ହେଉଛି। ତେବେ ବଦୋ ବଦି ଗୀତ ପାଇଁ ଅଧିକାଂଶ ଲୋକ ଚାହତ ଫତେହ ଅଲି ଖାନଙ୍କୁ ଟ୍ରୋଲ କରୁଛନ୍ତି। ଏବେ ଏହି ଗାୟକ ବିବାଦରେ ଫସିଛନ୍ତି। ତାଙ୍କର ବଦୋ ବଦି ଗୀତକୁ ୟୁଟ୍ୟୁବରୁ ହଟାଇ ଦିଆଯାଇଛି। ବଦୋ ବଦି ଗୀତ ୟୁଟ୍ୟୁବରେ ସର୍ବାଧିକ ଭ୍ୟୁଜ୍‌ ହାସଲ କରିଥିବା ଗୀତ ମଧ୍ୟରୁ ଗୋଟିଏ ଥିଲା। କିନ୍ତୁ ବର୍ତ୍ତମାନ ଚାହତ ଫତେହ ଅଲି ଖାନଙ୍କ ଏହି ଗୀତକୁ ହଟାଇ ଦିଆଯାଇଛି।

ਪਾਕਿਸਤਾਨੀ ਨੂਰਜਹਾਂ ਦਾ ਗਾਣਾ Bado Badi • पाकिस्तानी नूरजहाँ का bado badi गाना • Pakistani old vs new bado badi song 😄😄 funny and full comedy 🤣🤣 Pakistanis 😀😀 pic.twitter.com/c3sgyqHHwx

— KhatriKshatri Kingdom (@KhatriKKingdom) May 16, 2024

କପିରାଇଟ୍ସ କାରଣରୁ ବଦୋ ବଦି ଗୀତକୁ ୟୁଟ୍ୟୁବରୁ ହଟାଇ ଦିଆଯାଇଛି। ବାସ୍ତବରେ ଏହି ଗୀତଟି ପ୍ରସିଦ୍ଧ ଗାୟିକା ନୁରଜାହାଁଙ୍କ ପୁରୁଣା ଗୀତର କଭର୍‌ ସଙ୍ଗ୍‌। ଯାହାକୁ ନିକଟରେ ଚାହତ ଫତେହ ଅଲି ଖାନ ଗାଇଛନ୍ତି। ତାଙ୍କର ଏହି ମ୍ୟୁଜିକ୍ ଭିଡିଓ ଏକ ମାସ ମଧ୍ୟରେ ୟୁଟ୍ୟୁବରେ ୧୨୮ ମିଲିୟନରୁ ଅଧିକ ଭ୍ୟୁ ହାସଲ କରିଥିଲା। ଗଣମାଧ୍ୟମ ରିପୋର୍ଟ ମୁତାବକ, ଚାହତ ଫତେହ ଅଲି ଖାନଙ୍କ ବଦୋ ବଦି ଗୀତକୁ ଏବେ କପିରାଇଟ୍ସ କାରଣରୁ ୟୁଟ୍ୟୁବରୁ ହଟାଇ ଦିଆଯାଇଛି। ଏଠାରେ ସୂଚନାଯୋଗ୍ୟ, ବଦୋ ବଦିର ମୂଳ ଗୀତକୁ ନୁରଜାହାଁ ୧୯୭୩ର ଚଳଚ୍ଚିତ୍ର ‘ବନାରସୀ ଠଗ୍’ ପାଇଁ ଗାଇଥିଲେ। ଅପରପକ୍ଷେ ଚାହତ ଫତେହ ଅଲି ଖାନ ଚଳିତ ବର୍ଷ ଏପ୍ରିଲରେ ବଦୋ ବଦି ଗୀତ ଗାଇଥିଲେ, ଯାହା ଭାରତ, ପାକିସ୍ତାନ ଏବଂ ବାଂଲାଦେଶ ସମେତ ସମଗ୍ର ଦକ୍ଷିଣ ଏସିଆରେ ଭାଇରାଲ ହୋଇଥିଲା।