କଳାପଥର : ବୈଦ୍ୟେଶ୍ୱର ଥାନା ଅନ୍ତର୍ଗତ ଖଜୁରିପଦା ନୂଆସାହି ମୋଜା କଳାପଥର ଗୋଲେଇଛକରେ ଗତ ରାତିରେ ଲକ୍ଷାଧିକ ଟଙ୍କା ମୂଲ୍ୟର ଅଳଙ୍କାର ସହ ଟଙ୍କା ଚୋରି ହୋଇଯାଇଛି । ଘର ପଛପଟ କବାଟ ତାଲା ଭାଙ୍ଗି ପଶିବା ପରେ ବାହାର ପଟୁ ବନ୍ଦ କରିଦେଇ ଲୁଟି ନେଇଛନ୍ତି ଦୁର୍ବୃତ୍ତ । ହଜାର ହଜାର ଟଙ୍କା ସହ ଲକ୍ଷାଧିକ ଟଙ୍କାର ସୁନା ଅଳଙ୍କାର ଚୋରି ହୋଇଥିବାର ଥାନାରେ ଅଭିଯୋଗ କରିଛନ୍ତି ଜୟ କୁମାର ସାହୁ । ବୈଦ୍ୟେଶ୍ୱର ଥାନାର ପୂର୍ବତନ ଅଧିକାରୀ ପ୍ରିୟ ଦର୍ଶନ ସେଠୀଙ୍କ ବଦଳି ପରେ ଚୋରଙ୍କ ପାଦୁର୍ଭାବ ଏବେ ବଢିବାରେ ଲାଗିଛି । ନୂଆ ଥାନା ଅଧିକାରୀ ଥାନାରେ ଯୋଗ ଦେଇନଥିବାରୁ ଚୋର, କଳାବ୍ୟବସାୟୀ ଏବଂ ଗୋ-ଚାଲାଣକାରୀ ସକ୍ରିୟ ହୋଇ ପଡିଛନ୍ତି । ପେଟ୍ରୋଲିଂ ହେଉ ନଥିବାରୁ ଗତ କାଲି ରାତିରେ ଘରୁ ଲୁଟ କରି ଫେରାର ହୋଇଯାଇଛନ୍ତି ଦୁର୍ବୃତ୍ତ । ବାଙ୍କୀ ଇନ୍ସପେକ୍ଟର ଦିଲ୍ଲୀପ ଭୁଇଆ, ଏସ୍ଡ଼ିପିଓ ବିଜୟ କୁମାର ମହାପାତ୍ରଙ୍କ ସମେତ ସାଇଣ୍ଟିଫିକ ଟିମ ଅନୁସନ୍ଧାନ କରି ତଦନ୍ତ ଚଳାଇଛନ୍ତି ।
Comments are closed.