ବ୍ରହ୍ମପୁର ବିଶ୍ୱବିଦ୍ୟାଳୟର ୩୬ ଜଣିଆ ଦଳର ପୂର୍ବାଞ୍ଚଳ ଯୁବ ମହୋତ୍ସବରେ ଭାଗ ନେବା ପାଇଁ କୋଲକାତା ଗସ୍ତ

ଗୋପାଳପୁର : ବ୍ରହ୍ମପୁର ବିଶ୍ୱବିଦ୍ୟାଳୟ ସାଂସ୍କୃତିକ ପରିଷଦ ପକ୍ଷରୁ ଆଜି ୩୬ ଜଣିଆ ଦଳ ପୂର୍ବାଞ୍ଚଳ ଯୁବ ମହୋତ୍ସବରେ ଭାଗ ନେବା ପାଇଁ କୋଲକାତା ଗସ୍ତ କରିଛନ୍ତି । ଚଳିତ ମାସ ୮ ରୁ ୧୨ ତାରିଖ ପର୍ଯ୍ୟନ୍ତ କୋଲକାତା ସ୍ଥିତ ସିଷ୍ଟର ନିବେଜିତା ବିଶ୍ୱବିଦ୍ୟାଳୟରେ ପୂର୍ବାଞ୍ଚଳ ଅନ୍ତଃ ବିଶ୍ୱବିଦ୍ୟାଳୟ ଯୁବ ମହୋତ୍ସବର କଳା, ସାହିତ୍ୟ ଓ ସାଂସ୍କୃତିକ ପ୍ରତିଯୋଗିତାରେ ଏହି ଦଳ ଭାଗ ନେବେ ବୋଲି ଜଣାପଡିଛି । ବ୍ରହ୍ମପୁର ବିଶ୍ୱବିଦ୍ୟାଳୟର ୩୬ଜଣ ଛାତ୍ରଛାତ୍ରୀ ଗସ୍ତ କରିଛନ୍ତି । ପରିଚାଳକ ଭାବେ ବ୍ରହ୍ମପୁର ବିଶ୍ୱବିଦ୍ୟାଳୟ ଡ. ମିହିର କୁମାର ତ୍ରିପାଠୀ, ପରିଚାଳିକା ଭାବେ ଅଧ୍ୟାପିକା ଅସ୍ମିତା ବେଉରା ଦଳରେ ରହିଛନ୍ତି । ଏହି ଅବସରରେ ସାଂସ୍କୃତିକ ସଂଯୋଜିକା ଡ ସରିତା ଦାଶ,ସହ କୁଳସଚିବ ଡ ସରୋଜ କୁମାର ଦାଶ, କୁଳପତି ପ୍ରଫେସର ଗୀତାଞ୍ଜଳି ଦାଶ, ଯୁଗ୍ମ କୁଳସଚିବ ଡ଼. ବାବୁଜୀ ସାମଲ, ପିଜି କାଉନସିଲ ଅଧକ୍ଷ ପ୍ରଫେସର ସୁକାନ୍ତ କୁମାର ତ୍ରିପାଠୀ ପ୍ରମୁଖ ଶୁଭେଚ୍ଛା ଜଣାଇଛନ୍ତି ।