ପାଟଣା : ସରକାରଙ୍କ ଯୋଜନା ମାଳ ମାଳ କିନ୍ତୁ ଆଜି ବି ବହୁ ଗ୍ରାମ ସଡ଼କ ଯୋଜନାଠାରୁ ବହୁ ଦୂର ରହିଛି । ଏପଟେ ରାଜ୍ୟ ସରକାର ସଡ଼କ ଯୋଜନାକୁ ନେଇ ଡିଙ୍ଗୁରା ପିଟୁଥିବା ବେଳେ ପାଟଣା ବ୍ଲକ ପଲାଣଘାଟି ପଞ୍ଚାୟତ କୁମୁଡ଼ାବାହାଳି ବୁରୁସାହି-ରାଜାଭାଡ଼ି ରାସ୍ତା ଖାଲ ସହିତ କାଦୁଅ ପଚ ପଚ ହୋଇ ରହିଛି । ରାସ୍ତାର ଅବସ୍ଥା ଏପରି ହୋଇଛି ଯେ ପାଦରେ ଚାଲିବା ମଧ୍ୟ କଷ୍ଟକର ହୋଇ ପଡୁଛି । ଗ୍ରାମବାସୀ ମାନେ ଏପରି ଶୋଚନୀୟ ଅବସ୍ଥାରେ ଥିବା ନଦେଖିଲେ ବିଶ୍ୱାସ ହେବନାହିଁ। ଏପରି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ପାଟଣା ବ୍ଲକ ପଲାଣଘାଟି ପଞ୍ଚାୟତ କୁମୁଡ଼ାବାହାଲି ବୁରୁସାହି ରାଜାଭାଡ଼ି ସାହିରେ । ଏହି ରାସ୍ତାରେ ପ୍ରତିଦିନ ଶହ ଶହ ଲୋକ ଯାତାୟାତ କରନ୍ତି । ଜରୁରୀ କାଳୀନ ସମୟରେ ଆମ୍ବୁଲାନ୍ସ କିମ୍ବା ତିନିଚକିଆ କିମ୍ବା ଚାରି ଚକିଆ ଗାଡି ମଧ୍ୟ ଯାଇପାରୁ ନାହିଁ । ଏହି ରାସ୍ତାରେ ଯାତାୟାତ ପାଇଁ ଘୋର ଅସୁବିଧା ସୃଷ୍ଟି ହେଉଥିବାରୁ ଏଥି ପ୍ରତି ପ୍ରଶାସନ ତୁରନ୍ତ ଦୁଷ୍ଟି ଦେବାକୁ ଗ୍ରାମବାସୀ ମାନେ ଦାବି କରିଛନ୍ତି ।
Popular Categories
Previous article
Next article