ଆଠଗଡ଼:ଆଠଗଡ଼ ଥାନା ଅନ୍ତର୍ଗତ ସମସରପୁର ପଞ୍ଚାୟତ ଆଙ୍କୁଲା ଗ୍ରାମରେ ବିଦ୍ୟାଳୟ ଫାଟକ ଭାଙ୍ଗି ମାଡିବସିବାରୁ ଜଣେ ନାବାଳକ ଛାତ୍ରର ମୃତ୍ୟୁ ଘଟିଥିବା ଜଣାପଡ଼ିଛି। ମୃତକ ଜଣଙ୍କ ହେଲେ ଆଙ୍କୁଲା ଗ୍ରାମର କାର୍ତ୍ତିକ ନାଏକଙ୍କ ପୁଅ ଚିକୁ ନାଏକ (୮) ବୋଲି ଚିହ୍ନଟ କରାଯାଇଛି। ଶୁକ୍ରବାର ସ୍କୁଲ ଛୁଟି ଥିବାବେଳେ ୪ଟା ସମୟରେ ଚିକୁ ନାଏକ ଖେଳିବା ପାଇଁ ଘରୁ ବାହାରି ସ୍କୁଲ ପଡିଆକୁ ଯାଇଥିଲେ । ସ୍କୁଲ ଫାଟକରେ ଝୁଲି ସାଙ୍ଗମାନଙ୍କ ସହ ଖେଳୁଥିବାବେଳେ ହଠାତ ଲୁହା ଫାଟକଟି ଭାଙ୍ଗି ଚିକୁ ଉପରେ ମାଡିବସିଥିଲା । ସ୍ଥାନୀୟ ଲୋକେ ଓ ପରିବାର ଲୋକେ ଖବର ପାଇ ଘଟଣା ସ୍ଥଳରେ ପହଞ୍ଚି ତାଙ୍କୁ ଗୁରୁତର ଅବସ୍ଥାରେ ଆଠଗଡ଼ ଡ଼ାକ୍ତରଖାନାରେ ଭର୍ତ୍ତି କରିଥିଲେ। ତେବେ ସେଠାରେ ଚିକିତ୍ସା ଚାଲିଥିବା ସମୟରେ ତାଙ୍କର ମୃତ୍ୟୁ ଘଟିଥିବା ଡାକ୍ତରଖାନା ସୂତ୍ରରୁ ଜଣାପଡ଼ିଛି।
Comments are closed.