ଅଶ୍ବିନ୍ଙ୍କ ସହ ସମ୍ପର୍କ ଛିନ୍ନ କଲା କିଙ୍ଗସ୍ ଏକାଦଶ ପଞ୍ଜାବ
ନୂଆଦିଲ୍ଲୀ : ଭାରତୀୟ କ୍ରିକେଟ ଦଳର ଅଫସ୍ପିନର ରବିଚନ୍ଦ୍ରନ୍ ଅଶ୍ବିନଙ୍କ ସହ ଆଇପିଏଲ ଦଳ କିଙ୍ଗସ୍ ଏକାଦଶ ପଞ୍ଜାବ ସମ୍ପର୍କ ଛିନ୍ନ କରିଛି। ଏହାପରେ ଅଶ୍ବିନ୍ ଆଇପିଏଲ୍ ନିମନ୍ତେ ଆୟୋଜିତ ହେବାକୁ ଥିବା ଆଗାମୀ ଖେଳାଳି ନିଲାମରେ ସାମିଲ ହେବେ। ସେ ଗତ ଦୁଇ ସିଜନ ଲାଗି ପଞ୍ଜାବ ଦଳର ଅଧିନାୟକ ଥିଲେ। ଚଳିତ ବର୍ଷ ଇଣ୍ଡିଆନ ପ୍ରିମିୟମ ଲିଗ(ଆଇପିଏଲ)ରେ ଅଶ୍ବିନ୍ କିଙ୍ଗସ୍ ଏକାଦଶ ପଞ୍ଜାବ ଦଳର ନେତୃତ୍ବ ନେଇଥିଲେ। ଦଳ ଆଇପିଏଲର ୬ଷ୍ଠ ସ୍ଥାନରେ ରହିଥିଲା। ୨୦୧୮ ଖେଳାଳି ନିଲାମରେ ଅଶ୍ବିନଙ୍କୁ କିଙ୍ଗ୍ସ ଏକାଦଶ ପଞ୍ଜାବ ଦଳ ୭.୬ କୋଟି ଟଙ୍କାରେ କିଣିଥିଲା।
ସୂଚନା ମୁତାବକ, ରବିଚନ୍ଦ୍ରନ୍ ଅଶ୍ବିନ୍ ଆଗାମୀ ସଂସ୍କରଣରେ ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଖେଳୁଥିବା ନଜର ଆସିପାରନ୍ତି। ଅଶ୍ୱିନଙ୍କୁ ଛାଡ଼ିବା ନେଇ ବିସିସିଆଇ ଅନୁମତି ଦେଇସାରିଛି। ଖୁବଶୀଘ୍ର ଏହା ଘୋଷଣା ହୋଇପାରେ।
Comments are closed.