ହାଇଦରାବାଦ : ତେଲଙ୍ଗାନାର ସିଦ୍ଦିପେଟ ଜିଲାରେ ଅବସ୍ଥିତ କୋଣ୍ଡାପୋଚ୍ଛାମ୍ମା ସାଗର ଜଳଭଣ୍ଡାରରେ ରବିବାର ସେଲ୍ଫି ନେଉଥିବାବେଳେ ୫ ଜଣ ଛାତ୍ର ବୁଡି ଯାଇ ପ୍ରାଣ ହରାଇଛନ୍ତି। ସ୍ଥାନୀୟ ଲୋକେ ଦୁଇଜଣ ଛାତ୍ରଙ୍କୁ ଉଦ୍ଧାର କରିବାରେ ସମର୍ଥ ହୋଇଛନ୍ତି। ହାଇଦରାବାଦଠାରୁ ୪୦ କିମି ଦୂରରେ ଅବସ୍ଥିତ ଏହି ଜଳଭଣ୍ଡାର ଏକ ପର୍ଯ୍ୟଟନ ସ୍ଥଳୀ। ହାଇଦରାବାଦର ମୀରପେଟ୍ସ୍ଥିତ ଇଞ୍ଜିନିୟରିଂ କଲେଜର ୭ ଜଣ ଛାତ୍ର ରବିବାର ବଣଭୋଜି କରିବାକୁ ଉକ୍ତ ଜଳଭଣ୍ଡାରକୁ ଯାଇଥିଲେ। ପର୍ଯ୍ୟଟକଙ୍କ ନିମନ୍ତେ ଚେତାବନୀ ଦିଆଯାଇଥିବା ସତ୍ତ୍ବେ ଏହି ଛାତ୍ରମାନେ ସେଲ୍ଫି ନେବାକୁ ପରସ୍ପରର ହାତ ଧରି ଜଳଭଣ୍ଡାରକୁ ପ୍ରବେଶ କରିଥିଲେ। ତେବେ ସେଲ୍ଫି ନେଉଥିବାବେଳେ ଗୋଡ ଖସିଯିବାରୁ ପାଞ୍ଚଜଣ ଗଭୀର ଜଳରେ ବୁଡି ପ୍ରାଣ ହରାଇଥିବା ସିଦ୍ଦିପେଟ୍ ଏସ୍ପି ସୂଚନା ଦେଇଛନ୍ତି।
Comments are closed.