ଭୁବନେଶ୍ବର: ଗିରଫ ଠକ ଦମ୍ପତି ହଂସିତା ଓ ଅନିଲ ମହାନ୍ତିଙ୍କ କଳା ସାମ୍ରାଜ୍ୟର ଚେର ଖୋଜୁଛି ଆୟକର ବିଭାଗ। ବେହିସାବ ଶହ ଶହ କୋଟି ଟଙ୍କା କାରବାରର ତଦନ୍ତ ପାଇଁ ପ୍ରବର୍ତ୍ତନ ନିର୍ଦେଶାଳୟ (ଇଡି) ସଜବାଜ ହେଉଛି। ୫ ଲକ୍ଷ ଟଙ୍କାରୁ ଅନିଲ ୨ ବର୍ଷରେ ୨୦୦ କୋଟି ଟଙ୍କାର ମାଲିକ ହେବାର ଉତ୍ସ ଖୋଜୁଛି ତଦନ୍ତକାରୀ ସଂସ୍ଥା। କଳାଧନ ଧଳା କରିବାରେ ଅନିଲ ଥିଲେ ଉସ୍ତାଦ। ଏହି ଆଳରେ ଅନିଲ କୋଟି କୋଟି ଟଙ୍କା ରୋଜଗାର କରିଥିବା ପ୍ରାଥମିକ ତଦନ୍ତରୁ ଆୟକର ବିଭାଗ ଜାଣିବାକୁ ପାଇଛି। ପ୍ରଧାନମନ୍ତ୍ରୀଙ୍କ ସ୍ବତନ୍ତ୍ର ସଚିବ ପିକେ ମିଶ୍ରଙ୍କ ଝିଅ-ଜ୍ବାଇଁ ପରିଚୟ ଦେଇ ବିଲ୍ଡର, ଖଣି ବ୍ୟବସାୟୀ, ଠିକାଦାର ଓ ରାଜନେତାଙ୍କୁ ଜାଲରେ ପକାଇଥିବା ତଦନ୍ତକାରୀ ସଂସ୍ଥା ସନ୍ଦେହ ପ୍ରକାଶ କରିଛି। ସମ୍ପୃକ୍ତ ବ୍ୟବସାୟୀ ଓ ରାଜନେତାଙ୍କୁ ତଦନ୍ତ ପରିସରଭୁକ୍ତ କରିବା ଲାଗି ଆୟକର ବିଭାଗ ଯୋଜନା କରିଛି। ଠକ ଦମ୍ପତିଙ୍କ କାରବାର ପଛର ରହସ୍ୟ ହଟାଇବା ପାଇଁ କମିସନରେଟ ପୁଲିସର ସ୍ପେଶାଲ କ୍ରାଇମ୍ ୟୁନିଟ୍ (ଏସ୍ସିୟୁ) ତଦନ୍ତ ଜାରି ରଖିଛି। ଅନିଲଙ୍କର ୩ଟି ଦାମୀ କାର୍କୁ ପୁଲିସ ଜବତ କରି ପୁଲିସ ସେବା ଭବନରେ ରଖିଛି। ଠକେଇ ନେଇ ସେପରି ଠୋସ୍ ପ୍ରମାଣ ନମଳିବା ପୁଲିସକୁ ଅଡ଼ୁଆରେ ପକାଇଛି। ତଦନ୍ତ ଜାରି ରହିଥିବା ଆଳ ଦେଖାଇ ପୁଲିସ ସେମାନଙ୍କ ଠକେଇ ସମ୍ପର୍କିତ ତଥ୍ୟ ଦେବା ଲାଗି ମନା କରି ଦେଉଛି।
Popular Categories
Previous article
Next article