ନୂଆଦିଲ୍ଲୀ : ଭାରତ ସରକାର ପାକିସ୍ତାନୀ ନାଗରିକଙ୍କୁ ନିର୍ଦ୍ଧାରିତ ସମୟସୀମା ମଧ୍ୟରେ ଭାରତ ଛାଡିବାକୁ ଆଦେଶ ଦେଇଛନ୍ତି । ଆଦେଶ ନମାନିଲେ ୩ ବର୍ଷ ଜେଲ୍ ଦଣ୍ଡ କିମ୍ବା ୩ ଲକ୍ଷ ଟଙ୍କା ଜୋରିମାନା କିମ୍ବା ଉଭୟ ଜେଲ୍ ଓ ଜୋରିମାନା ହୋଇପାରେ । ପହଲଗାମରେ ପାକିସ୍ତାନୀ ଆତଙ୍କୀ ଆକ୍ରମଣ ପରେ ଏହି ନିଷ୍ପତ୍ତି ନିଆଯାଇଛି । ଗୃହ ମନ୍ତ୍ରାଳୟ ସମସ୍ତ ରାଜ୍ୟକୁ ଏନେଇ କଡା ନିର୍ଦ୍ଦେଶ ଦେଇଛନ୍ତି ।
ଭାରତ ସରକାର ସ୍ପଷ୍ଟ କରିଛନ୍ତି କି ପାକିସ୍ତାନୀ ନାଗରିକ ନିର୍ଦ୍ଧାରିତ ସମୟ ପରେ ନଜର ଆସିଲେ ଗିରଫ ହେବେ । ୩ ବର୍ଷ ଜେଲ୍ ଦଣ୍ଡ କିମ୍ବା ୩ ଲକ୍ଷ ଟଙ୍କା ପର୍ଯ୍ୟନ୍ତ ଜୋରିମାନା କିମ୍ବା ଉଭୟ ହୋଇପାରେ । ସାର୍କ ଭିସା ଧାରୀଙ୍କୁ ୨୬ ଏପ୍ରିଲ ମଧ୍ୟରେ ଭାରତ ଛାଡିବାକୁ ଆଦେଶ ହୋଇଥିଲା ଏବଂ ମେଡିକାଲ ଭିସାଧାରୀଙ୍କୁ ୨୯ ଏପ୍ରିଲ ପର୍ଯ୍ୟନ୍ତ ସମୟ ଦିଆଯାଇଛି । ତେବେ ବିଜନେସ୍, ଫିଲ୍ମ, ସମ୍ମିଳନୀ, ପର୍ବତାରୋହଣ, ଛାତ୍ର, ଗ୍ରୁପ୍ ଟୁରିଷ୍ଟ, ତୀର୍ଥଯାତ୍ରୀ ଭିସାରେ ଆସିଥିବା ପାକିସ୍ତାନୀ ନାଗରିକ ଭାରତ ଛାଡିସାରିଲେଣି । ଗୃହମନ୍ତ୍ରୀ ଅମିତ ଶାହ ସମସ୍ତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରି ନିର୍ଦ୍ଧାରିତ ସମୟ ପରେ ଭାରତରେ ଯେପରି କୌଣସି ବି ପାକିସ୍ତାନୀ ନଜର ନଆସନ୍ତି ତାହା ସୁନିଶ୍ଚିତ କରିବାପାଇଁ ନିର୍ଦ୍ଦେଶ ଦେଇଛନ୍ତି ।
Comments are closed.