ଇସଲାମାବାଦ : ପାକିସ୍ତାନ ସିନେଟ୍ ସଦସ୍ୟ ଅନୱାର-ଉଲ-ହକ କକ୍କଡ଼ ଦେଶର କାମଚଳା ପ୍ରଧାନମନ୍ତ୍ରୀ ମନୋନୀତ ହୋଇଛନ୍ତି। ଆସନ୍ତା ବର୍ଷର ସାଧାରଣ ନିର୍ବାଚନର ପରିଚାଳନା ଓ ଦେଶର ଅର୍ଥନୈତିକ ସ୍ଥିତିକୁ ସୁଧାରିବା ଲକ୍ଷ୍ୟରେ ତାଙ୍କୁ ମନୋନୀତ କରାଯାଇଛି । ବିଦାୟୀ ପ୍ରଧାନମନ୍ତ୍ରୀ ସେହେବାଜ ସରିଫ୍ ଓ ବିରୋଧୀ ଦଳ ନେତା ରାଜା ରିଆଜ୍’ ଅନୱାର୍ ଉଲ୍ ହକ୍ କକ୍କଡ଼ଙ୍କ ନାମ ସୁପାରିଶ କରିଥିଲେ। ଏଥିପାଇଁ ସେମାନଙ୍କ ମଧ୍ୟରେ ଦୁଇଟି ପର୍ଯ୍ୟାୟରେ ବୈଠକ ଅନୁଷ୍ଠିତ ହୋଇଥିଲା ।
କକ୍କଡ଼ ବାଲୋଚିସ୍ଥାନ ଆୱାମି ପାର୍ଟିର ସାଂସଦ ଓ ଆସନ୍ତା ବର୍ଷର ନିର୍ବାଚନ ପର୍ଯ୍ୟନ୍ତ ସେ କାମଚଳା ପ୍ରଧାନମନ୍ତ୍ରୀ ଭାବେ ଦେଶର ଶାସନଭାର ଗ୍ରହଣ କରିବେ ।
ଅନ୍ୟପକ୍ଷରେ ପାକିସ୍ତାନର ରାଷ୍ଟ୍ରପତି ଡକ୍ଟର ଆରିଫ ଅଲଭି ବାଲୋଚିସ୍ଥାନ ଆୱାମୀ ପାର୍ଟି (ବିଏପି) ସାଂସଦ ଅନୱାର-ଉଲ-ହକ କକ୍କଡ଼ଙ୍କୁ ଦେଶର ପ୍ରଧାନମନ୍ତ୍ରୀ ଭାବରେ ନିଯୁକ୍ତିକୁ ଅନୁମୋଦନ କରିଛନ୍ତି ।
Comments are closed.