ଅନୁଗୁଳ ଇଏସ୍‍ଆଇ ଡାକ୍ତରଖାନା ଲୋକାର୍ପଣ କଲେ ଦୁଇ କେନ୍ଦ୍ରମନ୍ତ୍ରୀ

ଅନୁଗୁଳ : କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଶ୍ରମ ଓ ନିଯୁକ୍ତି ରାଷ୍ଟ୍ରମନ୍ତ୍ରୀ ରାମେଶ୍ୱର ତେଲି ଅନୁଗୁଳ ଜିଲ୍ଲା ବଳରାମପ୍ରସାଦରେ ନୂତନ କର୍ମଚାରୀ ରାଜ୍ୟ ବୀମା (ଇଏସ୍‍ଆଇ) ଡାକ୍ତରଖାନାକୁ ଲୋକାର୍ପିତ କରିଛନ୍ତି । ଏହାସହ ଭର୍ଚୁଆଲ୍‍ ମାଧ୍ୟମରେ ଝାରସୁଗୁଡ଼ା ଇଏସ୍‍ଆଇର ଉପ-ଆଞ୍ଚଳିକ କାର୍ଯ୍ୟାଳୟକୁ ମଧ୍ୟ ଉଦ୍‍ଘାଟନ କରିଛନ୍ତି । ଏହି ଅବସରରେ କେନ୍ଦ୍ର ଶିକ୍ଷାମନ୍ତ୍ରୀ କହିଛନ୍ତି, ବଳରାମପ୍ରସାଦରେ ୬୫ କୋଟି ଟଙ୍କା ବ୍ୟୟରେ ନିର୍ମିତ ହୋଇଥିବା ଏହି ୧୦୦ ଶଯ୍ୟା ବିଶିଷ୍ଟ ଡାକ୍ତରଖାନାରେ ଚିକିତ୍ସା ସେବା ଆରମ୍ଭ ହେବ ।

Under the leadership of PM Shri @narendramodi, govt. has introduced e-Shram Portal to extend social security & other benefits to labour force. Over 27 Cr including 1.3 Cr labours in #Odisha already registered in the portal: MoS Shri @Rameswar_Teli @dpradhanbjp@LabourMinistry pic.twitter.com/wHevhWqwb2

— PIB in Odisha (@PIBBhubaneswar) June 15, 2022

ଅନୁଗୁଳରେ ସ୍ୱାସ୍ଥ୍ୟସେବାକୁ ଗୁରୁତ୍ୱ ଦେଇଥିବାରୁ ସେ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି, ଏହି ଡାକ୍ତରଖାନା
ଯୋଗୁଁ ଅନୁଗୁଳର ୭୦ ହଜାରରୁ ଅଧିକ କର୍ମଚାରୀ ଉପକୃତ ହେବେ । ପୂର୍ବରୁ ଏଠାରେ କେବଳ ସ୍ୱାସ୍ଥ୍ୟ ପରୀକ୍ଷା ହେବା ସହ ଔଷଧ ମିଳୁଥିଲା । କିନ୍ତୁ ବର୍ତ୍ତମାନ ଗୁରୁତର ରୋଗୀଙ୍କୁ ହସ୍ପିଟାଲ୍‍ରେ ଭର୍ତ୍ତି କରିବାର ସୁବିଧା ମଧ୍ୟ ଉପଲବ୍ଧ ହେବ ବୋଲି ସେ କହିଛନ୍ତି ।