ନୂଆଦିଲ୍ଲୀ : ପ୍ରାୟ ୩୦ଟି ସ୍ଥାନରେ ଲୁଚିବା ପରେ ପଞ୍ଜାବ କଣ୍ଠଶିଳ୍ପୀ ସିଧୁ ମୁଜେୱାଲଙ୍କ ହତ୍ୟା ଅଭିଯୁକ୍ତ ଅଙ୍କିତ ସିର୍ସା ରବିବାର ରାତିରେ ଦିଲ୍ଲୀ ପୁଲିସ ହାତରେ ଧରାପଡ଼ିଛି । ମାତ୍ର ୧୮ ବର୍ଷୀୟ ଅଙ୍କିତ ଦକ୍ଷ ସାର୍ପସୁଟର ଭାବେ ପରିଚିତ। ସେ କୁଖ୍ୟାତ ଦାଗୀ ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ। ସିଧୁ ଗାଡ଼ି ଚଳାଉଥିବାବେଳେ ଅଙ୍କିତ ଏକ କାର୍ରେ ପ୍ରିୟବ୍ରତ ଫୌଜି ସହ ତାଙ୍କ ଅତି ନିକଟକୁ ଯାଇ ଦୁଇ ହାତରେ ଏକେ-୪୭ ରାଇଫଲରୁ ୬ଟି ଗୁଳି ଚଳାଇଥିଲା। ପ୍ରିୟବ୍ରତ ହେଉଛି ଲରେନ୍ସ ଗ୍ୟାଙ୍ଗର ‘ବୋଲେରୋ ମଡ୍ୟୁଲ’ ମୁଖ୍ୟ। ସିଧୁ ହତ୍ୟାକାଣ୍ଡର ସେ ମୁଖ୍ୟ ଅଭିଯୁକ୍ତ ବୋଲି ପୁଲିସ କହିଛି। ତାର ଘନିଷ୍ଠ ସଚିନ ବିର୍ମାନୀ ପୂର୍ବରୁ ଗିରଫ ହୋଇଛି । ଅଙ୍କିତ ବିରୋଧରେ ପୂର୍ବରୁ ରାଜସ୍ଥାନରେ ଦୁଇଟି ହତ୍ୟା ଅଭିଯୋଗ ରହିଛି। ମେ ୨୯ରେ ୨୮ବର୍ଷୀୟ ପ୍ରତିଭାବାନ୍ କଣ୍ଠ ଶିଳ୍ପୀ ସିଧୁଙ୍କୁ ପଞ୍ଜାବରେ ହତ୍ୟା କରାଯାଇଥିଲା। ସିଧୁଙ୍କ ଶରୀରରେ ୧୯ଟି ଗୁଳି ବାଜିଥିଲା ଓ ଏହାର ମାତ୍ର ୧୫ ମିନିଟ ମଧ୍ୟରେ ତାଙ୍କର ମୃତ୍ୟୁ ଘଟିଥିଲା। ଏହି ହତ୍ୟାକାଣ୍ଡ ପଛରେ ଜେଲ୍ରେ ଥିବା ଲରେନ୍ସ ଗ୍ୟାଙ୍ଗ ସମ୍ପୃକ୍ତ ଥିବା ସ୍ପଷ୍ଟ ହୋଇଥିଲା । ହତ୍ୟାକାଣ୍ଡ ଘଟାଇବା ପୂର୍ବଦିନ ସେ କାନାଡାସ୍ଥିତ ଅପରାଧୀ ଗୋଲ୍ଡି ବ୍ରାର୍ ଓ ଲରେନ୍ସଠାରୁ ନିର୍ଦେଶ ପାଇଥିଲା। ପୂର୍ବରୁ ଏହି ଘଟଣାରେ ଆଉ ତିନିଜଣ ଗିରଫ ହୋଇଛନ୍ତି।
Popular Categories
Previous article
Next article