ମାଆ ହେଲେ ଆଲିଆ

ମୁମ୍ବାଇ: ରଣବୀର-ଆଲିଆଙ୍କ ପ୍ରଶଂସକଙ୍କ ଅପେକ୍ଷାର ଅନ୍ତ। କପୁର ପରିବାରରେ ଖେଳିଯାଇଛି ଖୁସିର ଲହରୀ। ଆଜ୍ଞା ହଁ, ମାଆ ହୋଇଛନ୍ତି ଅଭିନେତ୍ରୀ ଆଲିଆ ଭଟ୍ଟ। ମିଡିଆ ରିପୋର୍ଟ ମୁତାବକ, ରବିବାର ସେ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଖୁସିର ଏହି ଅବସରରେ କପୁର ଓ ଭଟ୍ଟ ପରିବାର ପରସ୍ପରକୁ ଶୁଭେଚ୍ଛା ଜଣାଇଛନ୍ତି। ଏହାସହ ପ୍ରଶଂସକମାନେ ମଧ୍ୟ ଏହି ଖବର ଶୁଣି ଖୁବ୍‌ ଖୁସି ହେବା ସହ ରଣବୀର ଓ ଆଲିଆଙ୍କୁ ଅଭିନନ୍ଦନ ଜଣାଇଛନ୍ତି।

ସୂଚନାଯୋଗ୍ୟ, ଆଜି ସକାଳେ ଆଲିଆ ପ୍ରସବ ପାଇଁ ମୁମ୍ବାଇ ସ୍ଥିତ ଏଚଏନ ରିଲାୟନ୍ସ ହସ୍ପିଟାଲ ଯାଇଥିଲେ। ଉଭୟ ରଣବୀର ଓ ଆଲିଆଙ୍କୁ ହସ୍ପିଟାଲ ଯାଉଥିବା ବେଳେ ଦେଖିବାକୁ ମିଳିଥିଲା। ଏହାପରଠାରୁ ପ୍ରଶଂସକ ଖୁସିଖବର ଅପେକ୍ଷାରେ ଥିଲେ।