କଲକାତା: ପଶ୍ଚିମବଙ୍ଗର ଜଲପାଇଗୁଡ଼ିଠାରେ ଏକ ଅଜଗର ସାପକୁ ଉଦ୍ଧାର କରିବା ଓ ପରବର୍ତ୍ତୀ ସମୟରେ ଏହାକୁ ନେଇ ସେଲ୍ଫି ଉଠାଇବା ଜଣେ ଜଙ୍ଗଲ ବିଭାଗ ଅଧିକାରୀଙ୍କୁ ମହଙ୍ଗା ପଡିଛି । ବୈକୁଣ୍ଠପୁର ଫରେଷ୍ଟ ରେଞ୍ଜର, ନିକଟସ୍ଥ ଗ୍ରାମରୁ ଏକ ଅଜଗର ସାପକୁ ଉଦ୍ଧାର କରିଥିଲେ। ସାପଟି ଉଦ୍ଧାର ହେବା ପରେ ଏହାକୁ ଦେଖିବାକୁ ସମ୍ପୃକ୍ତ ଅଞ୍ଚଳରେ ପ୍ରବଳ ଭିଡ଼ ଲାଗିଥିଲା। ଉପସ୍ଥିତ ଲୋକେ ସାପଟିର ଫଟୋ ଉଠାଉଥିଲେ। ସାପକୁ ଉଦ୍ଧାର କରିଥିବା ଫରେଷ୍ଟ ରେଞ୍ଜର ସଞ୍ଜୟ ଦତ୍ତା ସାପକୁ ନିଜ ଗଳାରେ ଝୁଲାଇ କ୍ୟାମେରା ଆଗରେ ଛିଡ଼ା ହୋଇଥିବାବେଳେ ହଠାତ୍ ସାପଟି ଶ୍ରୀ ଦତ୍ତାଙ୍କ ହାତରୁ ଖସିଯାଇ ତାଙ୍କ ଗଳାକୁ ଚିପି ଧରିଥିଲା। ତେବେ ଉପସ୍ଥିତ ବୁଦ୍ଧି ହେତୁ ଶ୍ରୀ ଦତ୍ତା ତୁରନ୍ତ ସାପକୁ ନିଜ ଗଳାରୁ ଖସାଇବାରେ ସଫଳ ହୋଇଥିଲେ। ପୂର୍ବରୁ ମଧ୍ୟ ଏକାଧିକ ଥର ସାପ ସହ ସେଲ୍ଟି ନେବା ପ୍ରକ୍ରିୟାରେ ବହୁତ ଲୋକ ପ୍ରାଣ ହରାଇଛନ୍ତି।
