ଅଗ୍ନି-୩ର ରାତ୍ରିକାଳୀନ ସଫଳ ପରୀକ୍ଷଣ

ବାଲେଶ୍ୱର : ବାଲେଶ୍ୱରର ଚାନ୍ଦିପୁର ସମନ୍ୱିତ କ୍ଷେପଣାସ୍ତ୍ର କେନ୍ଦ୍ର ଅଧୀନସ୍ଥ ଧାମରାର ଅବଦୁଲ୍‍ କାଲାମ୍‍ ଦ୍ବୀପ କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ରର ୪ ନମ୍ବର ଉତ୍‍କ୍ଷେପଣ କେନ୍ଦ୍ରରୁ  ଶନିବାର ଅଗ୍ନୀ ୩ କ୍ଷେପଣାସ୍ତ୍ରର ରାତ୍ରିକାଳିନ ବ୍ୟବହାରିକ ପରୀକ୍ଷା କରାଯାଇଛି । ସନ୍ଧ୍ୟା ୭.୧୭ ମିନିଟ ସମୟରେ ଆଣବିକ କ୍ଷମତା ସମ୍ପନ୍ନ ଅଗ୍ନି-୩ କ୍ଷେପଣାସ୍ତ୍ରର ଏହି ପରୀକ୍ଷା କରାଯାଇଥିଲା ବେଳେ ପରୀକ୍ଷା ସମ୍ପୂର୍ଣ୍ଣ ସଫଳ ହୋଇଥିବା ସୂଚନା ଦିଆଯାଇଛି। ପରୀକ୍ଷା ପାଇଁ ସ୍ୱତନ୍ତ୍ର ଭାବେ ସ୍ଥଳସେନା ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

ଉତକ୍ଷେପଣ ପରେ ଅଗ୍ନୀ ୩ କ୍ଷେପଣାସ୍ତ୍ର ସେକେଣ୍ଡକୁ ୫ ରୁ ୭ କିଲୋମିଟର ବେଗରେ ଯାଇ ଲକ୍ଷ୍ୟ ଭେଦ କରିଥିଲା। ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଏହି କ୍ଷେପଣାସ୍ତ୍ରକୁ ପ୍ରତିରକ୍ଷା ଗବେଷଣା ଉନ୍ନୟନ ସଂସ୍ଥାର ଷ୍ଟ୍ରାଟେଜିକ ଫୋର୍ସ କମାଣ୍ଡ ପକ୍ଷରୁ ପରୀକ୍ଷା କରାଯାଇଥିଲା। ୧୭ମିଟର ଲମ୍ବ ଓ ୨୨ଟନ ଓଜନ ବିଶିଷ୍ଟ ଏହି କ୍ଷେପଣାସ୍ତ୍ରର ମୋଟେଇ ୨ ମିଟର। ଏହା ଦେଢ ଟନର ପାରମ୍ପରିକ ଅଥବା ଆଣବିକ ଯୁଦ୍ଧାସ୍ତ୍ର ବହନ କରି ୩,୫୦୦ରୁ ୫ ହଜାର କିମି ଦୂରରେ ଯେକୌଣସି ଲକ୍ଷ୍ୟକୁ ଭେଦ କରିବାର କ୍ଷମତା ରହିଛି। ଅଗ୍ନି-୩ ୨୦୧୧ରରୁ ଭାରତୀୟ ସେନାରେ ନିୟୋଜିତ ହୋଇସାରିଛି। ୨୦୦୬ ମସିହାରୁ ଏହାର ବିଭିନ୍ନ ସମୟରେ ପରୀକ୍ଷା କରାଯାଇ ଆସୁଛି। ଶେଷଥର ପାଇଁ ଏହା ୨୦୧୭ ମସିହା ଏପ୍ରିଲ ୨୭ ତାରିଖରେ ସେହି କଲାମ ଦ୍ୱୀପରୁ ସଫଳତାର ସହିତ ପରୀକ୍ଷା କରାଯାଇଥିଲା।

#AgniIII successfully test-fired from Odisha’s Bhadrak districthttp://t.co/yIcudQY4cS pic.twitter.com/ydMWyqnHP5

— News Bharati (@eNewsBharati) April 16, 2015