ନୂଆଦିଲ୍ଲୀ: ସେନାରେ ନିଯୁକ୍ତି ପାଇଁ କେନ୍ଦ୍ର ସରକାରଙ୍କ ଦ୍ବାରା ଅଗ୍ନିପଥ ଯୋଜନା କାର୍ଯ୍ୟକାରୀ କରାଯାଉଥିବା ବେଳେ କଂଗ୍ରେସ କେନ୍ଦ୍ରରେ କ୍ଷମତାକୁ ଆସିଲେ ଏହି ଅଗ୍ନିପଥ ଯୋଜନାକୁ ବନ୍ଦ କରିଦେବ ବୋଲି ଶୁକ୍ରବାର ଘୋଷଣା କରିଛନ୍ତି କଂଗ୍ରେସର ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଭଦ୍ର। ହିମାଚଳ ପ୍ରଦେଶର କାନ୍ଗ୍ରାରେ ଆୟୋଜିତ ଏକ ନିର୍ବାଚନ ସଭାରେ ଭାଷଣ ଦେଇ ପ୍ରିୟଙ୍କା କହିଥିଲେ କେନ୍ଦ୍ରର ନରେନ୍ଦ୍ର ମୋଦୀ ସରକାର ସେନାରେ ନିଯୁକ୍ତି ପାଇଁ ଅଗ୍ନିପଥ ଯୋଜନା କରିଛନ୍ତି।
ଏହି ଯୋଜନାକୁ ନେଇ ବିଭିନ୍ନ ମହଲରେ ଅସନ୍ତୋଷ ବ୍ୟକ୍ତ କରାଯାଇଛି। କଂଗ୍ରେସ କେନ୍ଦ୍ରରେ ସରକାର ଗଢ଼ିଲେ ଅଗ୍ନିପଥ ଯୋଜନାକୁ ବନ୍ଦ କରି ଦେବ। କଂଗ୍ରେସ ଯାହା ପ୍ରତିଶ୍ରୁତି ଦିଏ ତାହା ପୂରଣ କରେ, ଛତିଶଗଡ଼ରେ କୃଷକଙ୍କ ଋଣ ଛାଡ଼ କରିବାକୁ କଂଗ୍ରେସ ତରଫରୁ ପ୍ରତିଶ୍ରୁତି ଦିଆଯାଇଥିଲା। ଏହି ପ୍ରତିଶ୍ରୁତିକୁ ସେଠାକାର କଂଗ୍ରେସ ସରକାର ପୂରଣ କରିଛନ୍ତି। ତେଣୁ ଆଗାମୀ ଦିନରେ କେନ୍ଦ୍ରରେ କଂଗ୍ରେସ ସରକାର ଗଢ଼ିଲେ ନିଶ୍ଚିତ ଭାବେ ଅଗ୍ନିପଥ ଯୋଜନାକୁ ବନ୍ଦ କରିବ। ସୂଚନାଥାଉ କି ବିଭିନ୍ନ ରାଜନୈତିକ ଦଳର ବିରୋଧ ସତ୍ତ୍ବେ ଅଗ୍ନିପଥ ଯୋଜନା ବନ୍ଦ ହେବ ନାହିଁ ବୋଲି କିଛିଦିନ ତଳେ ପ୍ରତିରକ୍ଷା ମନ୍ତ୍ରଣାଳୟ ତରଫରୁ ସ୍ପଷ୍ଟ କରି ଦିଆଯାଇଥିଲା।
Comments are closed.