ରେଙ୍ଗାଲି- ସରକାର ବିକାଶ ର ଡେଙ୍ଗୁରା ପିଟୁଛନ୍ତି। କିନ୍ତୁ ଦୀପ ତଳ ଅନ୍ଧାର ଭଲି ସମ୍ବଲପୁର ଜିଲ୍ଲା ରେଙ୍ଗାଲି ବ୍ଲକ ଅନ୍ତର୍ଗତ ଆଦିବାସୀ ଅଧ୍ୟୁଷିତ ଘିଚାମୁରା ପଞ୍ଚାୟତ ର ବୁଟୁରାପଡା, ଗଣ୍ଡପଡ଼ା,ଝାଙ୍କରପଡା ଗ୍ରାମବାସୀ ଭାରତ ସ୍ୱାଧୀନତା ର ୭୬ ବର୍ଷ ପରେ ଏଥର ବିଜୁଳି ଆଲୁଅ ଦେଖିଛନ୍ତି।
ଦୀର୍ଘ ବର୍ଷ ର ସ୍ବପ୍ନ ସାକାର ହୋଇ ଥିବାରୁ ଗ୍ରାମବାସୀଙ୍କ ମଧ୍ୟ ରେ ଖୁସି ର ଲହରୀ ଖେଳିଯାଇଛି।ଘିଚାମୁରା ସରପଞ୍ଚ ରାଜୀବ କିଶାନ ଙ୍କ ପ୍ରଚେଷ୍ଟା ରେ ଉପରୋକ୍ତ ଗ୍ରାମରେ ବିଳମ୍ବରେ ହେଲେ ମଧ୍ୟ ବିଦ୍ୟୁତ ଲାଇନ୍ ସଂଯୋଗ ସ୍ବପ୍ନ ସାକାର ହୋଇଥିବାରୁ ଜନ ସାଧାରଣ ସରପଞ୍ଚ ଏବଂ ରାଜ୍ୟ ସରକାରଙ୍କୁ ଧନ୍ୟବାଦ ଅର୍ପଣ କରିଛନ୍ତି।
