ପିପିଲି : ପୁରୀ ଜିଲା ପିପିଲି ହାଟଛକ ଠାରେ ଗୁରୁବାର ପୂର୍ବାହ୍ନରେ ସଡ଼କ ଦୁର୍ଘଟଣାରେ ଜଣେ କଲେଜ୍ ଛାତ୍ରୀଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ଗୁରୁତର ଛାତ୍ରୀ ଜଣଙ୍କ ପିପିଲି କଲେଜରେ ଯୁକ୍ତ ୩ରେ ପାଠ ପଢୁଥିବା ନମିତା ପ୍ରଧାନ(୧୯)। ସୂଚନା ମୁତାବକ, ନମିତା ସାଇକେଲ୍ରେ କଲେଜକୁ ଆସୁଥିବା ବେଳେ ଗୁରୁବାର ପୂର୍ବାହ୍ନରେ ପଛରୁ ଆସୁଥିବା ଏକ ଟ୍ରକ୍ ତାଙ୍କୁ ଧକ୍କା ଦେଇ ତାଙ୍କ ଡାହାଣ ହାତ ଉପରେ ଚଢି ଯାଇଥିଲା। ଏଥିରେ ତାଙ୍କ ହାତଟି ଗୁରୁତର ଭାବେ କ୍ଷତବିକ୍ଷତ ହୋଇଥିଲା। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ପିପିଲି ଡାକ୍ତରଖାନାକୁ ନେଇଥିବା ବେଳେ ଅବସ୍ଥା ଗୁରୁତର ଥିବାରୁ ସେଠାରୁ ତାଙ୍କୁ କ୍ୟାପିଟାଲ ହସପିଟାଲକୁ ସ୍ଥାନାନ୍ତର କରାଯାଇଥିଲା। ପରେ ସେଠାରୁ ଏକ ଘରୋଇ ହସ୍ପିଟାଲ୍ରେ ଭର୍ତ୍ତି କରାଯାଇ ତାଙ୍କର ଚିକିତ୍ସା କରାଯାଉଥିବା ସୂଚନା ମିଳିଛି। ଦୁର୍ଘଟଣା ଘଟାଇଥିବା ଟ୍ରକ୍କୁ ପିପିଲି ପୁଲିସ ଜବତ କରି ଘଟଣାର ତଦନ୍ତ ଚଳାଇଛି। ଆହତ ନମିତାଙ୍କ ଘର ଦାଣ୍ଡମୁକୁନ୍ଦପୁର ନିକଟ ବାହାବଜା ଗ୍ରାମରେ ହୋଇଥିବା ସୂଚନା ମିଳିଛି।
Comments are closed.