ନୂଆଦିଲ୍ଲୀ : ବିଧାନସଭା ନିର୍ବାଚନ ପୂର୍ବରୁ ଆମ ଆଦମୀ ପାର୍ଟି (ଆପ)କୁ ଏକ ବଡ଼ ଝଟକା ଲାଗିଛି। ଆମ ଆଦମୀ ପାର୍ଟିର ଦୁଇ ନେତା ଦଳତ୍ୟାଗ କରି ମଙ୍ଗଳବାର ଆନୁଷ୍ଠାନିକ ଭାବେ ବିଜେପିରେ ଯୋଗଦେଇଛନ୍ତି। ଆପ ଚିକିତ୍ସକ ପ୍ରକୋଷ୍ଠର ଅଧ୍ୟକ୍ଷ ତଥା ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ଡ. ସରଦାର ଖାନ ଏବଂ ଚାନ୍ଦିନୀ ଚୌକ ଲୋକସଭାର ସାଧାରଣ ସମ୍ପାଦକ ତଥା ଶାକୁରବସ୍ତି ବିଧାନସଭାର କୋଷାଧ୍ୟକ୍ଷ ଗୌରବ ଚୌହାନ ନିଜ ସମର୍ଥକଙ୍କ ସହ ବିଜେପିରେ ଯୋଗଦେଇଛନ୍ତ। ଦିଲ୍ଲୀ ବିଜେପି କାର୍ଯ୍ୟାଳୟରେ ଆୟୋଜିତ କାର୍ଯ୍ୟକ୍ରମରେ ସରଦାର ଏବଂ ଗୌରବ ବିଜେପିର ସଦସ୍ୟତା ଗ୍ରହଣ କରିଥିଲେ। ଦିଲ୍ଲୀ ବିଜେପି ଅଧ୍ୟକ୍ଷ ମନୋଜ ତିୱାରୀ ଓ ଅନ୍ୟ ବରିଷ୍ଠ ନେତାମାନେ ସେମାନଙ୍କୁ ସ୍ୱାଗତ କରିଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନୀତି ଓ କାର୍ଯ୍ୟରେ ପ୍ରଭାବିତ ହୋଇ ଆପର ଦୁଇ ନେତା ଦଳ ତ୍ୟାଗ କରି ବିଜେପିରେ ଯୋଗଦେଇଛନ୍ତି ବୋଲି ମନୋଜ ତିୱାରୀ କହିଛନ୍ତି।
Comments are closed.