ନୂଆଦିଲ୍ଲୀ : ଆତ୍ମଘୋଷିତ ଦେବୀ ରାଧେ ମା’ ପୁଣି ଥରେ ଏକ ବିବାଦକୁ ନେଇ ଚର୍ଚ୍ଚାକୁ ଆସିଛନ୍ତି। ରାଧେ ମା’ ଓ ତାଙ୍କ ସମର୍ଥକ ଜଣେ ଟିଭି ସାମ୍ବାଦିକଙ୍କୁ ଆକ୍ରମଣ କରିଥିବା ନେଇ ପାନିପଥ ଅନ୍ତର୍ଗତ ବଲଜିତ ନଗର ଥାନାରେ ଅଭିଯୋଗ ହୋଇଛି। ସାମ୍ବାଦିକଙ୍କୁ ଜୀବନରୁ ମାରିଦେବା ପାଇଁ ଧମକ ଦିଆଯାଇଥିବା ଅଭିଯୋଗରେ ଦର୍ଶାଯାଇଛି। ଅଭିଯୋଗ ଆଧାରରେ ଏକ ମାମଲା ରୁଜୁ କରି ପୁଲିସ ତଦନ୍ତ ଆରମ୍ଭ କରିଛି।
ସାମ୍ବାଦିକ ଜିତେନ୍ଦ୍ର ଶର୍ମାଙ୍କ ଅଭିଯୋଗ ଅନୁସାରେ ଆମନ୍ତ୍ରଣ କ୍ରମେ ସେ ଖବର ସଂଗ୍ରହ ପାଇଁ ରାଧେ ମା’ଙ୍କ ଏକ କାର୍ଯ୍ୟକ୍ରମକୁ ଯାଇଥିଲେ। ଏହି କାର୍ଯ୍ୟକ୍ରମରେ ସେ ରାଧେ ମା’ଙ୍କୁ କିଛି ପ୍ରଶ୍ନ କରିଥିଲେ। ଏହି ପ୍ରଶ୍ନକୁ ଶୁଣି ରାଧେ ମା’ ଉତକ୍ଷିପ୍ତ ହୋଇଉଠିଥିଲେ। ଏହାପରେ ରାଧେ ମା’ ଓ ତାଙ୍କ ସମର୍ଥକ ସାମ୍ବାଦିକଙ୍କୁ ଆକ୍ରମଣ କରିଥିଲେ ଓ ତାଙ୍କ କ୍ୟାମେରା ଭାଙ୍ଗିଦେଇଥିଲେ। ଏପରିକି ତାଙ୍କୁ ଅପହରଣ କରିବାକୁ ଉଦ୍ୟମ କରିଥିଲେ। ପୁଲିସ୍ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଥିଲା। ବଲଜିତ ନଗର ଥାନା ପୁଲିସ ଏନେଇ ରାଧେ ମା’ ଓ ତାଙ୍କ ୧୫ ସମର୍ଥକଙ୍କ ବିରୋଧରେ ମାମଲା ରୁଜୁ କରିଛି।
Comments are closed.