ନୂଆଦିଲ୍ଲୀ : ଅଗଷ୍ଟା ୱେଷ୍ଟଲାଣ୍ଡ ଭିଭିଆଇପି ହେଲିକପ୍ଟର ଦୁର୍ନୀତି ମାମଲାରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଳନାଥଙ୍କ ଭଣଜା ରତୁଲ ପୁରୀଙ୍କ ଅଡୁଆ ବଢିବାରେ ଲାଗିଛି। ଆୟକର ବିଭାଗ ସୋମବାର ରତୁଲ ପୁରୀଙ୍କ ୨୫୪ କୋଟି ଟଙ୍କାର ବେନାମୀ ସେୟାରକୁ ଜବତ କରିଛି।
ସୂଚନା ଅନୁସାରେ ଆୟକର ବିଭାଗ ଦିଲ୍ଲୀରେ ରତୁଲ ପୁରୀଙ୍କ କମ୍ପାନୀ ଗ୍ରୁପ ସହ ସମ୍ପର୍କିତ ନନକୁମୁଲେଟିଭ କମ୍ପଲସରୀ କନଭର୍ଟବେଲ ପ୍ରିଫରାନ୍ସ ସେୟାର (ସିସିପିଏସ)କୁ ଜବତ କରିଛି। ଏହି ସେୟାରର ମୂଲ୍ୟ ୨୫୪ କୋଟି ଟଙ୍କା। ଅପ୍ଟିମା ଇନଫ୍ରା ପ୍ରାଇଭେଟ ଲିମିଟେଡ ଏଫଡିଆଇ ନିବେଶ ଭାବେ ଏହି ସିସିପିଏସ ପ୍ରାପ୍ତ କରିଥିଲା। କୁହାଯାଉଛି ଯେ ରତୁଲ ପୁରୀ ଏଚଇପିସିଏଲ ନାମକ କମ୍ପାନୀ ନାମରେ ସୌର୍ଯ୍ୟ ପ୍ୟାନେଲ ଆମଦାନୀ କରିବାକୁ ଅଧିକ ଚାଲାଣ କରିଥିଲେ ଓ ଏହା ଜରିଆରେ ୨୫୪ କୋଟି ଟଙ୍କା ଆୟ କରିଥିଲେ।
ପ୍ରକାଶ ଯେ ଅଗଷ୍ଟା ୱେଷ୍ଟଲାଣ୍ଡ ଦୁର୍ନୀତି ମାମଲାରେ ଜୁଲାଇ ୨୭ରେ ପ୍ରବର୍ତ୍ତନ ନିର୍ଦେଶାଳୟ (ଇଡି) ରତୁଲ ପୁରୀଙ୍କୁ ଜେରା କରିଥିଲା।
Comments are closed.