ନୂଆଦିଲ୍ଲୀ : ଜାମ୍ମୁ କାଶ୍ମୀରର ଅନ୍ତନାଗ ଜିଲାରେ ଶନିବାର ଅମରନାଥ ଯାତ୍ରୀଙ୍କୁ ନେଇ ଯାଉଥିବା ଦୁଇ ବସ ଦୁର୍ଘଟଣାଗ୍ରସ୍ତ ହୋଇଛନ୍ତି। ଏଥିରେ ୨୦ରୁ ଊର୍ଦ୍ଧ୍ବ ଯାତ୍ରୀ ଆହତ ହୋଇଛନ୍ତି। ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନା ଅନୁସାରେ ଅପରାହ୍ଣ ପ୍ରାୟ ୨ଟା ୪୦ ସମୟରେ ବସ ନଂ (ୟୁପି୮୩ଏଟି-୭୭୭୭କୁ ପଛରୁ ଆସୁଥିବା ବସ ନଂ (ଆରଜେ୦୧ଟିଏ) ଧକ୍କା ଦେଇଥିଲା। ଦୁର୍ଘଟଣାସ୍ଥଳ ନିକଟରେ ଥିବା ଲୋକେ ତତ୍କାଳ ବସ୍ ମଧ୍ୟରୁ ଆହତଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ହସ୍ପିଟାଲକୁ ପଠାଇଥିଲେ। ପୁଲିସ୍ ସୂଚନା ଅନୁସାରେ ସମସ୍ତ ଆହତ ଯାତ୍ରୀ ରାଜସ୍ଥାନର ଅଟନ୍ତି। ସେମାନଙ୍କ ମଧ୍ୟରୁ ୧୮ ଜଣଙ୍କୁ ସାମାନ୍ୟ ଆଘାତ ଲାଗିଛି। ୨ ଜଣଙ୍କ ଅବସ୍ଥା ସଂକଟାପ୍ନ ରହିଛି।
Comments are closed.