ନୀଳଗିରି: ମହିଳାଙ୍କୁ ଗଣଦୁଷ୍କର୍ମ ପ୍ରତିବାଦରେ ରାସ୍ତା ଅବରୋଧ କରାଯାଇଛି । ଧାନକ୍ଷେତ ଜଗିବା ଉଦେଶ୍ୟରେ ମଞ୍ଚା ଉପରେ ଶୋଇଥିବା ତେଣ୍ଡା ଅଞ୍ଚଳର ଜଣେ ଆଦିବାସୀ ମହିଳାଙ୍କୁ ବନକର୍ମଚାରୀଙ୍କ ଦ୍ବାରା ଗଣଦୁଷ୍କର୍ମ କରାଯିବା ପ୍ରତିବାଦରେ ସ୍ଥାନୀୟ ହଜାରରୁ ଊର୍ଦ୍ଧ୍ବ ଆଦିବାସୀ ହାତରେ ପାରମ୍ପରିକ ଅସ୍ତ୍ରଶସ୍ତ୍ର ଧରି ସଜନାଗଡ ଛକରେ ରାସ୍ତା ଅବରୋଧ କରିଛନ୍ତି। ଏନେଇ ଆଇନଶୃଙ୍ଖଳା ପରିସ୍ଥିତି ଉପୁଜିଛି। ଘଟଣାସ୍ଥଳରେ ପୁଲିସ ଛାଉଣି ହୋଇଛି। ଖବରପାଇ ନୀଳଗିରି ଉପଜିଲାପାଳ ଅବୋଲି ଏସ୍ ନରଓ୍ବଣେ (ଆଇଏଏସ୍) ପହଞ୍ଚି ଘଟଣାର ନିରପେକ୍ଷ ତଦନ୍ତ କରାଯାଇ ଆଦିବାସୀଙ୍କୁ ଉଚିତ ନ୍ୟାୟ ଦିଆଯିବ ବୋଲି ପ୍ରତିଶ୍ରୁତି ଦେବା ପରେ ଆନ୍ଦୋଳନରୁ ଆଦିବାସୀ ଓହରି ଯାଇଛନ୍ତି। ଅନ୍ୟପକ୍ଷରେ ବନବିଭାଗ, ପୁଲିସ କିମ୍ବା ପ୍ରଶାସନ ଆଦିବାସୀଙ୍କ ହକ୍ ଛଡାଇବାକୁ ଅପଚେଷ୍ଟା କଲେ ସେମାନଙ୍କୁ ଉଚିତ ଜବାବ ଦିଆଯିବ ବୋଲି ଚେତାବନୀ ଦିଆଯାଇଛି।
