କୋହିମା – ଭାରତ ମିଆଁମାର ସୀମାରେ ଆତଙ୍କବାଦୀ ଆକ୍ରମଣରେ ଆସମ ରାଇଫଲର ଦୁଇଜଣ ଜବାନ ସହିଦ ହୋଇଛନ୍ତି । ଶନିବାରରେ ଏହି ଘଟଣା ଘଟିଛି । ଆତଙ୍କବାଦୀ ଆକ୍ରମଣରେ ଅନ୍ୟ ୪ଜଣ ଜବାନ ଗୁରୁତର ହୋଇଥିବା ସୂଚନା ମିଳିଛି। ଏହାପରେ ସେହି ଅଞ୍ଚଳରେ ଖାନ୍ତଲାସୀ ଜୋରଦାର କରାଯାଇଛି । ଏନ୍ଏନ୍ସିଏନ୍ ଆତଙ୍କବାଦୀ ସଙ୍ଗଠନ ଏହି ଆକ୍ରମଣ କରିଥିବା ସୂଚନା ମିଳିଛି । ଏଥିପାଇଁ କେଉଁସ୍ଥାନରୁ ପ୍ରସ୍ତୁତି ଆରମ୍ଭ କରାଯାଇଥିଲା ସେ ବିଷୟରେ ଯାଞ୍ଚ କରାଯାଉଛି। ଲୋକସଭା ନିର୍ବାଚନ ଫଳାଫଳ ଘୋଷଣାର ଠିକ୍ ଦୁଇଦିନ ପରେ ଏହି ଘଟଣା ଘଟିଛି ।
ଆତଙ୍କବାଦୀ ଆକ୍ରମଣ ଘଟଣାରେ ନାଗା ଆତଙ୍କବାଦୀଙ୍କ ସମ୍ପୃକ୍ତି ଥିବାର ପ୍ରମାଣ ମିଳିଛି । ନାଗାଲାଣ୍ଡର ମନ୍ ଜିଲ୍ଲାରେ ଏହି ଆକ୍ରମଣ ହୋଇଛି ।ଆସାମ ରାଇଫଲ୍ର ଗାଡି ଜବାନମାନଙ୍କୁ ନେଇଯାଉଥିବା ବେଳେ ଆତଙ୍କବାଦୀ ଆକ୍ରମଣ କରାଯାଇଥିଲା । ଶନିବାର ଦିନ ଗୋଟାଏ ସମୟରେ ଏହି ଆକ୍ରମଣ ହୋଇଥିଲା । ତୋବୁ ଓ ଉଖା ଗାଁ ମଧ୍ୟରେ ଏହି ଆକ୍ରମଣ ହୋଇଛି । ଏହାପରେ ଆସାମ ରାଇଫଲ୍ର ଜବାନମାନେ ପ୍ରତିଆକ୍ରମଣ କରିଥିଲେ । ପ୍ରାୟ ଏକ ଘଣ୍ଟା ଧରି ଦୁଇ ପକ୍ଷ ମଧ୍ୟରେ ଗୁଳି ବିନିମୟ ହୋଇଥିବା ସ୍ଥାନୀୟ ବାସିନ୍ଦା ସୂଚନା ଦେଇଛନ୍ତି । ତେବେ ଏଥିରେ କେତେ ଆତଙ୍କବାଦୀ ମୃତାହତ ହୋଇଛନ୍ତି ତାହାର ସୂଚନା ମିଳି ନାହିଁ ।
ରିପୋର୍ଟ ଲେଖା ହେଲା ବେଳକୁ ଅଧିକ ସୂଚନା ପାଇଁ ଅପେକ୍ଷା କରାଯାଇଛି ।
its a developing story , more report awaited
Comments are closed.