ରାତିରେ ଭଲ ଭାବେ ଶୋଇବା ଦ୍ବାରା ଶାରୀରିକ ଥକ୍କାପଣ ଦୂର ହୋଇଥାଏ। ଏହାସହ ମାନସିକ ଶାନ୍ତି ମଧ୍ୟ ମିଳିଥାଏ। ବାସ୍ତୁଶାସ୍ତ୍ର ଅନୁସାରେ, ଏପରି କିଛି ଦ୍ରବ୍ୟ ରହିଛି ଯାହାକୁ ରାତିରେ ଶୋଇବା ବେଳେ ମୁଣ୍ଡ ପାଖରେ ରଖିବା ଅନୁଚିତ। ତାହାଦ୍ବାରା ନକରାତ୍ମକ ଶକ୍ତିର ପ୍ରଭାବ ବ୍ୟକ୍ତିଙ୍କ ଉପରେ ପଡିଥାଏ। ଆସନ୍ତୁ ଜାଣିବା ସେହି ଦ୍ରବ୍ୟ ସମ୍ବନ୍ଧରେ ..
ରାତିରେ ଶୋଇବା ବେଳେ ପାଣିର ପାତ୍ରକୁ ଆପଣଙ୍କ ମୁଣ୍ଡ ପାଖରେ ରଖନ୍ତୁ ନାହିଁ। ଏପରି କରିବା ଦ୍ବାରା ଚନ୍ଦ୍ରମାଙ୍କ କୁପ୍ରଭାବ ଆପଣଙ୍କ ଉପରେ ପଡିଥାଏ। ଯାହାଦ୍ବାରା ମାନସିକ ଦୁଃଶ୍ଚିନ୍ତା ବୃଦ୍ଧି ହୋଇଥାଏ।
ଶୋଇବା ପୂର୍ବରୁ ଜୋତା ଓ ଚପଲକୁ ଖଟ ନିକଟରେ ଖୋଲନ୍ତୁ ନାହିଁ ଓ ରଖନ୍ତୁ ନାହିଁ। ଏପରି କରିବା ଦ୍ବାରା ଘର ଭିତରକୁ ନକରାତ୍ମକ ଶକ୍ତି ଉତ୍ପନ୍ନ ହୋଇଥାଏ।
ମୋବାଇଲ ଓ ଲ୍ୟାପଟପକୁ କେବେ ବି ଶୋଇବା ବେଳେ ଖଟ ଉପରେ ରଖି ଶୁଅନ୍ତୁ ନାହିଁ। ଏହାଦ୍ବାରା ନକରାତ୍ମକ ଶକ୍ତିର ପ୍ରଭାବ ବୃଦ୍ଧି ହୋଇଥାଏ।
କୌଣସି ପ୍ରକାରର ତେଲକୁ ନିଜ ମୁଣ୍ଡ ପାଖରେ ରଖି ଶୁଅନ୍ତୁ ନାହିଁ। ଏପରି କରିବା ଦ୍ବାରା ଜୀବନରେ ବିଭିନ୍ନ ପ୍ରକାରର ଅସୁବିଧାର ସମ୍ମୁଖୀନ ହେବାକୁ ପଡିଥାଏ।
କେବେ ବି ଖଟର ଠିକ ସାମନାରେ ଦର୍ପଣ ରଖନ୍ତୁ ନାହିଁ। ଏପରି କରିବା ଦ୍ବାରା ଘରେ ବାସ୍ତୁଦୋଷ ପଡିଥାଏ। ଏହାଦ୍ବାରା ପରିବାର ସଦସ୍ୟଙ୍କ ସ୍ବାସ୍ଥ୍ୟଗତ ସମସ୍ୟା ଓ ଦାମ୍ପତ୍ୟ ଜୀବନରେ କଳହ ସୃଷ୍ଟି ହୋଇଥାଏ।
Comments are closed.