ସମାଜ ଡିଜିଟାଲ ଡେସ୍କ: କଲକାତା ରାସ୍ତାରେ ତୃଣମୂଳ କଂଗ୍ରେସ ମନ୍ତ୍ରୀ ବାବୁଲ ସୁପ୍ରିୟୋ ଏବଂ ବିଜେପି ସାଂସଦ ଅଭିଜିତ ଗାଙ୍ଗୁଲିଙ୍କ ମଧ୍ୟରେ ହାତାହାତି ହୋଇଛି। କଲକାତାର ୨ୟ ହୁଗୁଳି ପୋଲ ଉପରେ ଶୁକ୍ରବାର ବିଳମ୍ବିତ ରାତିରେ ଏହି ଘଟଣା ଘଟିଛି। ଗାଡ଼ିର ହର୍ନ ବଜାଇବାକୁ କେନ୍ଦ୍ର କରି ଏହି ଘଟଣା ଘଟିଥିବା ସୂଚନା ମିଳିଛି। ଉଭୟ ନେତାଙ୍କ ମଧ୍ୟରେ ୧୫ରୁ ୨୦ ମିନିଟ ଧରି ରାସ୍ତା ଉପରେ ଯୁକ୍ତିତର୍କ ଏବଂ ହାତାହାତି ପର୍ଯ୍ୟନ୍ତ କଥା ଯାଇଥିବା ଦେଖିବାକୁ ମିଳିଛି।
ସୂଚନା ଅନୁସାରେ ବାବୁଲ ସୁପ୍ରିୟୋ ନିଜ କାରରେ ହାଓଡ଼ାସ୍ଥିତ ଘରକୁ ଯାଉଥିଲେ। ଏହି ସମୟରେ ବିଜେପି ସାଂସଦ ଅଭିଜିତ ନିଜ କାରରେ କଲକାତାରୁ ହାଓଡ଼ା ଯାଉଥିଲେ। ଉଭୟେ ଆଗପଛ ହୋଇ ଯାଉଥିବାବେଳେ ହୁଗୁଳି ପୋଲ ଉପରେ ହର୍ଣ୍ଣ ବଜାଇବାକୁ କେନ୍ଦ୍ର କରି ଦୁହିଁଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା।
ବାବୁଲ ଅଭିଯୋଗ କରିଛନ୍ତି ଯେ, ତାଙ୍କ କାରକୁ ଅଟକାଯାଇ ତାଙ୍କୁ ଦୁର୍ବ୍ୟବହାର କରାଯାଇଥିଲା। ସେପଟେ ବିଜେପି ସାଂସଦ ତଥା ପୂର୍ବତନ ବିଚାରପତି ଅଭିଜିତଙ୍କ ଅଭିଯୋଗ ଅନୁସାରେ, ତାଙ୍କ କାର ଆଗରେ ବାବୁଲଙ୍କ କାର ରହିଥିଲା। ବାବୁଲ ହଠାତ ଗାଡ଼ିରୁ ଓହ୍ଲାଇ ଆସି ତାଙ୍କ ସହିତ ଯୁକ୍ତିତର୍କ କରିଥିଲେ। ଏହାର ଭିଡିଓ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହେଉଛି। ଯେଉଁଥିରେ ବାବୁଲ ସୁପ୍ରିୟୋ ଗାଡ଼ିରୁ ଓହ୍ଲାଇ ସାସଂଦଙ୍କ ନିକଟକୁ ଯାଇ ଯୁକ୍ତିତର୍କ କରିଥିବା ଦେଖିବାକୁ ମିଳିଛି। କିଛି ସମୟ ପରେ ସ୍ଥାନୀୟ ଲୋକେ ଉଭୟଙ୍କୁ ବୁଝାଶୁଝା କରିବା ପରେ ପରିସ୍ଥିତି ଶାନ୍ତ ପଡ଼ିଥିବା ଜଣାପଡ଼ିଛି।
🚨SHOCKING
Last night , BJP MP and Former Justice , Shri #AbhijitGanguly was passing through Hooghly bridge when TMC MLA Babul Supriyo stopped his car and started harassing him.
Looking at the video , it’s certain that @SuPriyoBabul has lost his mental balance , while BJP MP… pic.twitter.com/NfDeMzWPzl
— Amitabh Chaudhary (@MithilaWaala) January 4, 2025
