ନୂଆଦିଲ୍ଲୀ : ଚୀନରେ ବ୍ୟାପିଥିବା ନୂଆ ଭୂତାଣୁ ଭାରତରେ ମୁଣ୍ଡ ଟେକିବା ସହ ଚିନ୍ତାର କାରଣ ପାଲଟିଲାଣି। ଭାରତରେ ଏହି ଭୂତାଣୁ ଚିହ୍ନଟ ହେବା ସହ ଏଚ୍ଏମ୍ପିଭି ସଂକ୍ରମଣରେ ଜଣେ ନୁହେଁ ବରଂ ୨ ଜଣ ପଜିଟିଭ୍ ଚିହ୍ନଟ ହୋଇଛନ୍ତି। ଜଣେ ୮ମାସର ଶିଶୁ ପୁତ୍ର ଓ ୩ ମାସର ଶିଶୁ କନ୍ୟା ପଜିଟିଭ୍ ଚିହ୍ନଟ ହୋଇଛନ୍ତି। ଉଭୟଙ୍କୁ ହସ୍ପିଟାଲରେ କ୍ୱାରେଣ୍ଟାଇନ୍ରେ ରଖାଯାଇଛି। କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରାଳୟ କହିଛି, ଭାରତୀୟ ଚିକିତ୍ସା ଗବେଷଣା ପରିଷଦ (ଆଇସିଏମଆର) କର୍ଣ୍ଣାଟକରେ ୨ ଶିଶୁ ସଂକ୍ରମିତ ହୋଇଛନ୍ତି। ପଜିଟିଭ୍ ଚିହ୍ନଟ ହେବା ପରେ କର୍ଣ୍ଣାଟକର ସ୍ୱାସ୍ଥ୍ୟ ମନ୍ତ୍ରୀ ଜରୁରୀ କାଳୀନ ବୈଠକ ଡାକିଛନ୍ତି।
ମନ୍ତ୍ରଣାଳୟ କହିଛି ଚିକିତ୍ସା ପାଇଁ ତିନି ମାସର ଶିଶୁ କନ୍ୟାକୁ ବେଙ୍ଗାଲୁରୁର ଘରୋଇ ହସ୍ପିଟାଲରେ ଭର୍ତ୍ତି କରା ଯାଇଥିଲା। ମାତ୍ର ଶିଶୁ ନିକଟରେ ଭୂତାଣୁ ଚିହ୍ନଟ ପରେ ହସ୍ପିଟାଲରୁ ଡିସଚାର୍ଜ କରାଯାଇଛି। ଉକ୍ତ ଡାକ୍ତରଖାନାରେ ଜଣେ ଆଠ ମାସର ଶିଶୁ ମଧ୍ୟ ସଂକ୍ରମିତ ହୋଇଥିବା ଜଣାପଡିଛି। ତାଙ୍କ ନମୁନା ୩ ଜାନୁଆରୀ ୨୦୨୫ରେ ନିଆଯାଇଥିଲା। ସଂକ୍ରମିତ ଶିଶୁ ଏବଂ ସେମାନଙ୍କ ପରିବାରର କୌଣସି ଆନ୍ତର୍ଜାତୀୟ ଭ୍ରମଣ ଇତିହାସ ନାହିଁ।
ଚୀନରେ ଏହି ଭୂତାଣୁ ଯୋଗୁଁ ବହୁ ସଂଖ୍ୟକ ଲୋକ ପ୍ରାଣ ହରାଇଥିବା ଖବର ରହିଛି। ଭାରତରେ ମଧ୍ୟ ସ୍ୱାସ୍ଥ୍ୟ ମନ୍ତ୍ରଣାଳୟ ଏ ସମ୍ପର୍କରେ କଡା ନଜର ରଖିବା ଆରମ୍ଭ କରିଛି। ଅନେକ ରାଜ୍ୟ ପରାମର୍ଶଦାତା ସତର୍କ ସୂଚନା ଜାରି କରିଛନ୍ତି।
ଭାରତରେ ପହଞ୍ଚିଲା ଚୀନର ନୂଆ ଭୂତାଣୁ ; ବେଙ୍ଗାଲୁରୁରେ ପ୍ରଥମ ଏଚ୍ଏମ୍ପିଭି ସଂକ୍ରମିତ ଚିହ୍ନଟ
Comments are closed.