କେନ୍ଦୁଝରଗଡ଼ :ପିଏମଶ୍ରୀ କେନ୍ଦ୍ରୀୟ ବିଦ୍ୟାଳୟର ବାର୍ଷିକ କ୍ରୀଡା ଉତ୍ସବ-୨୦୨୪ ଶୁକ୍ରବାର ରଙ୍ଗାରଙ୍ଗ କାର୍ଯ୍ୟକ୍ରମ ସହିତ ଅନୁଷ୍ଠିତ ହୋଇଯାଇଛି। ଅଧ୍ୟକ୍ଷ ସୁଶାନ୍ତ କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ଏନସିସି ବାଟାଲିୟନ କମାଣ୍ଡିଙ୍ଗ ଅଫିସର କର୍ଣ୍ଣେଲ ମୟୁର ଘାଡ଼ଗେ ମୁଖ୍ୟଅତିଥି ଭାବେ ଯୋଗଦେଇ ଛାତ୍ରଛାତ୍ରୀମାନଙ୍କୁ ଶୃଙ୍ଖଳିତ ହେବା ସହିତ କ୍ରୀଡା ମାଧ୍ୟ୍ୟମରେ ନିଜକୁ ଫିଟ୍ ରଖିବାକୁ ପରାମର୍ଶ ଦେଇଥିଲେ। ଭିଜିଲାନ୍ସ ଡ଼ିଏସପି ସୁଧାଂଶୁ ପୂଜାରୀ ସମ୍ମାନିତ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଉତ୍ତମ ଚରିତ୍ରବାନ ହୋଇ ବିଦ୍ୟାଳୟ, ଦେଶ ଓ ପିତାମାତାଙ୍କ ନାମକୁ ଶିଖରକୁ ନେଇଯିବାକୁ ଆହ୍ୱାନ ଦେଇଥିଲେ।
ଛାତ୍ରଛାତ୍ରୀ ଓ ଅଭିବାବକ ମାନଙ୍କ ମଧ୍ୟରେ ବିଭିନ୍ନ ପ୍ରକାରର କ୍ରୀଡା ପ୍ରତିଯୋଗିତା ଆୟୋଜିତ ହୋଇ କୃତି କ୍ରୀଡ଼ାବିତ ମାନଙ୍କୁ ମାନପତ୍ର ଓ ଟ୍ରଫି ଦ୍ୱାରା ପୁରସ୍କୃତ କରାଯାଇଥିଲା। ଏଥିସହିତ ଜାତୀୟସ୍ତରରେ କ୍ରୀଡା ନୟୀପୁଣ୍ୟ ପ୍ରଦର୍ଶନ କରିଥିବା ପ୍ରତିଭା ମାନଙ୍କୁ ଅତିଥି ମାନେ ସମ୍ବର୍ଦ୍ଧିତ କରିଥିଲେ। ପ୍ରଧାନଶିକ୍ଷକ ହରମନ ଛୁରା ଶେଷରେ ଧନ୍ୟବାଦ ଅର୍ପଣ କରିଥିଲେ। ଶିକ୍ଷକ ଦୁଷ୍ମନ୍ତ ସାହୁ ଓ ସୁଶ୍ରୀ ମାଧୁରୀ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ କ୍ରୀଡାରେ ସର୍ବୋତ୍କୃଷ୍ଟ ପ୍ରଦର୍ଶନ କରି ଟାଗୋର ହାଉସ ଚମ୍ପିୟାନ ଓ ଅଶୋକା ହାଉସ ରନର୍ସଅପ ହୋଇଥିଲେ।
Comments are closed.