କଳାପଥର :ବୈଦ୍ୟେଶ୍ୱର ଥାନା ପୁଲିସ ଗୋ ଚାଲାଣ ଅଭିଯୋଗରେ ୪ ଯୁବକଙ୍କୁ ଗିରଫ କରିଛି। ଅଭିଯୁକ୍ତମାନଙ୍କୁ ଗିରଫ ସହ ସେମାନଙ୍କ ନିକଟରୁ ୪ଟି ଗୋରୁ ଉଦ୍ଧାର କରାଯାଇଥିବା ନେଇ ଥାନା ଅଧିକାରୀ ପ୍ରିୟ ରଞ୍ଜନ ସେଠୀ ସୂଚନା ଦେଇଛନ୍ତି।
ଚାଷୀ ବେଶ ଓ ଲଙ୍ଗଳ ଜୁଆଳି ପକ୍କାଇ ଅଭିନବ ଉପାୟରେ ଗୋ ଚାଲାଣ ଘଟଣାର ପର୍ଦ୍ଦାଫାଶ କରିଛି। ଟି-ସେତୁ ନିକଟରେ ଚଢ଼ାଉ ପରେ ଘଟଣାସ୍ଥଳରୁ ୪ଟି ବଳଦ ଉଦ୍ଧାର କରାଯାଇଛି। ଗୋ ଚାଲାଣ ଅଭିଯୋଗରେ୪ ଜଣ ଯୁବକଙ୍କୁ ପୁଲିସ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ କଳାପଥର ଗ୍ରାମର ଶରତ ଚନ୍ଦ୍ର ବେହେରା, ଲେମ୍ବେରୀ ଗାଁ ର ମାନସ ବେହେରା , ଖଜୁରିପଦା ନୂଆସାହିର ବାଜି ଓରଫ ପ୍ରମୋଦ ଦାସ, ବୈଦ୍ୟେଶ୍ୱର ନୂଆ ବଡ଼ବର ସାହିର ଲକ୍ଷ୍ମୀଧର ବେହେରା ବୋଲି ଜଣାପଡ଼ିଛି।
ଚୋରୀ ବଳଦକୁ ବେକରେ ଜୁଆଳି ଲଙ୍ଗଳ ପକାଇ ତିଗିରିଆ ଗୋ ମାଂସର କଂସେଇଖାନାକୁ ସେମାନେ ବିକ୍ରି ପାଇଁ ନେଉଥିଲେ। ଟି-ସେତୁ ନିକଟରୁ ଅଭିଯୁକ୍ତମାନଙ୍କୁ ପୁଲିସ ଗିରଫ କରାଯାଇଛି ଏବଂ ସେମାନଙ୍କୁ କୋର୍ଟ ଚାଲାଣ କରାଯାଇଥିବା ନେଇ ବୈଦ୍ୟେଶ୍ୱର ଥାନା ଅଧିକାରୀ ପ୍ରିୟ ରଞ୍ଜନ ସେଠୀ ସୂଚନା ଦେଇଛନ୍ତି।
Comments are closed.