ପାଟଣା : ପାଟଣା ବ୍ଲକ ମୁଖ୍ୟାଳୟ ଆନନ୍ଦେଶ୍ୱର ମହାଦେବ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ପାଟଣା କୁମାର ଉତ୍ସବ କମିଟିର ୫୫ ତମ ଗଜଲକ୍ଷ୍ମୀ ପୂଜା ସମାରୋହ ଧୁମଧାମରେ ଅନୁଷ୍ଠିତ ହୋଇଥିବା ବେଳେ ଗତ ସନ୍ଧ୍ୟାରେ ରଙ୍ଗାରଙ୍ଗ ଭସାଣି ଉତ୍ସବ ଅନୁଷ୍ଠିତ ହୋଇଛି। ଭସାଣି ଉତ୍ସବରେ କୋଲକାତାର ପ୍ରସିଦ୍ଧ ଅଘୋରୀ ନୃତ୍ୟ ଦଳ ସାମିଲ ହୋଇଥିଲେ। ବଜାର ଅଞ୍ଚଳରେ ଏହାକୁ ଦେଖିବାକୁ ପ୍ରବଳ ଜନ ସମାବେଶ ହୋଇଥିଲା। ଅଘୋରୀ ଦଳର ଶିବ ତାଣ୍ଡବ, ଶିବ ବିବାହ, ତୃତୀୟ ନୟନରୁ ଅଗ୍ନି ବର୍ଷା ଆଦି ଆକର୍ଷଣୀୟ ନୃତ୍ୟ ଦେଖଣା ହାରୀଙ୍କୁ ମୁଗ୍ଧ କରିଥିଲା। ବଜାର ଅଞ୍ଚଳ ପରିକ୍ରମା ସାରି ପୁଣ୍ୟତୋୟା ବୈତରଣୀରେ ମା ଲକ୍ଷ୍ମୀଙ୍କୁ ମେଲାଣି ଦିଆଯାଇଛି। ଭସାଣି ଶୋଭାଯାତ୍ରାରେ ପାଟଣା ପୁଲିସ ଉପସ୍ଥିତି ରେ କମିଟି ପକ୍ଷରୁ ବିବେକାନନ୍ଦ ଦାଶଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଭସାଣି ଯାତ୍ରା ସମ୍ପନ୍ନ ହୋଇଥିଲା।
Comments are closed.