ଅଦିନିଆ ବର୍ଷାରେ ବ୍ୟାପକ ଧାନ ଫସଲ ନଷ୍ଟ, କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କଲେ ତହସିଲଦାର ଓ ବିଡ଼ିଓ

ଗଞ୍ଜାମ: ଗତଦୁଇ ଦିନ ହେଲା ପୁଣି ଲଘୁଚାପ ଜନିତ ଅଦିନିଆ ବର୍ଷା ଲାଗି ରହିଛି। ଯାହାଫଳରେ ଚାଷୀଙ୍କ ପାଇଁ ଏବେ ବୋଝ ଉପରେ ଲଳିତା ବିଡା ସଦୃଶ୍ୟ ହୋଇଛି। ଗତ ଖରିପ ରିତୁରେ ଧାନ ଚାଷ ପାଇଁ ଧାର କରଜ କରି ଚାଷ କାମ ସମ୍ପlଦାନ କରିଥିଲେ। ଆଶା ଥିଲା ଧାନ ଅମଳ କରି ଆଣିଲେ କରଜ ଶୁଝିବା ସହ ବଳକା ନିଜର ପରିବାର ପ୍ରତିପୋଷଣ ହେବ। କିନ୍ତୁ ପାଚିଲା ଧାନ ଅମଳ କରି ଘରକୁ ଆଣିବା ସମୟରେ ଦlଉ ସାଧିଛି ଅଦିନିଆ ବର୍ଷା। ଏହି ଅଦିନିଆ ବର୍ଷା ଯୋଗୁଁ ଗଞ୍ଜାମ ବ୍ଲକର ସମସ୍ତ ଅଞ୍ଚଳ ଚାଷୀଙ୍କ ବ୍ୟାପକ ଧାନ ଫସଲ ନଷ୍ଟ ହୋଇଥିବା ଜଣା ପଡିଛି। ବିଲରେ କଟା ହୋଇଥିବା ଧାନ ଗଜା ବାହାରିବା ଆରମ୍ଭ କଲାଣି।

ଅଧିକାଂଶ ଚାଷୀଙ୍କ ଧାନ ବର୍ଷା ପାଣିରେ ଭାସୁଥିବା ଦେଖିବାକୁ ମିଳିଛି। ବୁଧବାର ଦିନ ଅଦିନିଆ ବର୍ଷା ଯୋଗୁଁ ଫସଲ କ୍ଷୟକ୍ଷତିର ଆକଳନ ପାଇଁ ଗଞ୍ଜାମ ତହସିଲଦାର ସୁକାନ୍ତ ଚନ୍ଦ୍ର ମିଶ୍ର, ବିଡ଼ିଓ ଅଚ୍ୟୁତାନନ୍ଦ ଯାନୀ, ହୁମା ସମିତି ସଭ୍ୟ ଧ୍ରୁବ ଚରଣ ପଲାଇ, ଆରଆଇ ସନ୍ତୋଷୀ ନାୟକ, ଏଆରଆଇ ପ୍ରତିମା ବେହେରା ପ୍ରମୁଖ କଳl ଯମୁନା, ବୋରିଗାଁ ପ୍ରଭୃତି କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରିଛନ୍ତି। ଗଞ୍ଜାମ ବ୍ଲକ ଅଞ୍ଚଳର ୧୫ଟି ପଂଚାୟତର ବିଭିନ୍ନ ଅଞ୍ଚଳ ସମେତ ରମ୍ଭା ଓ ଗଞ୍ଜାମ ବିଜ୍ଞାପିତ ଅଞ୍ଚଳ ପରିଷଦ ଅଞ୍ଚଳର ଧାନ ଫସଲଏହି ଅଦିନିଆ ବର୍ଷା ପାଇଁ ନଷ୍ଟ ହୋଇଥିବା ନେଇ ଚାଷୀ ମାନେ ପ୍ରଶାସନ ନିକଟରେ ଜଣାଇଛନ୍ତି।