ନୂଆଦିଲ୍ଲୀ : ଆପଲ ୯ ସେପ୍ଟେମ୍ବରରେ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ନିଜ ଆଇଫୋନ୍ ୧୬ ସିରିଜକୁ ଆଣିବା ପାଇଁ ପ୍ରସ୍ତୁତ ହେଉଛି । କମ୍ପାନୀ ୪ ନୂଆ ମଡେଲ ଆଣିବା ଆକଳନ କରାଯାଉଛି । ଆଇଫୋନ୍ ୧୬, ଆଇଫୋନ୍ ୧୬ ପ୍ଲସ୍, ଆଇଫୋନ୍ ୧୬ ପ୍ରୋ ଏବଂ ଆଇଫୋନ୍ ୧୬ ପ୍ରୋ ମ୍ୟାକ୍ସ । ତେବେ ଦାମ୍ ଓ ଫିଚର ସମ୍ପର୍କରେ କିଛି ତଥ୍ୟ ସାମ୍ନାକୁ ଆସିଛି । ଆସନ୍ତୁ ଜାଣିବା..
୨୦ ସେପ୍ଟେମ୍ବରରେ ଆପଲ ଷ୍ଟୋରରେ ଆପଲ ୧୬ ମଡେଲ ଉପଲବ୍ଧ କରାଇବା ପାଇଁ ଯୋଜନା କରୁଛି । ଫୋନ୍ ସହିତ କମ୍ପାନୀ ନିଜ ଲାଟେଷ୍ଟ ସ୍ମାର୍ଟଓ୍ବାଚ୍ ସିରିଜ୍ ୧୦, ଓ୍ବାଚ୍ ଏସଇ ୩, ଓ୍ବାଚ୍ ଅଲ୍ଟ୍ରା ୩ ଓ ନୂଆ ଏୟାରପଡ୍ସ ୪ ମଧ୍ୟ ଆଣିବା ଅନୁମାନ କରାଯାଉଛି । ଆଇଫୋନ୍ ୧୬ର ଦାମ୍ ଆଇଫୋନ୍ ୧୬ ମଡେଲ ପାଇଁ ପ୍ରାୟ ୬୬,୩୦୦ ଟଙ୍କାରୁ ଆରମ୍ଭ ହେବା ଅନୁମାନ କରାଯାଉଛି । ଆଇଫୋନ୍ ୧୬ ପ୍ଲସ ମଡେଲ ପାଇଁ ୭୪,୬୦୦ରୁ ଆରମ୍ଭ ହୋଇପାରେ । ଆଇଫୋନ୍ ୧୬ ପ୍ରୋ ପାଇଁ ୯୧,୨୦୦ ଟଙ୍କା ଏବଂ ଆଇଫୋନ୍ ୧୬ ପ୍ରୋ ମ୍ୟାକ୍ସର ଦାମ୍ ୯୯,୫୦୦ ଟଙ୍କାରୁ ଆରମ୍ଭ ହୋଇପାରେ ।
ଆପଲ ଆଇଫୋନ୍ ୧୬ ସିରିଜ ଲଞ୍ଚ୍ କାର୍ଯ୍ୟକ୍ରମକୁ ଇଟ୍ସ ଗ୍ଲୋ ଟାଇମ୍ ନାଁ ଦେଇଛି ଏବଂ ଏହା ଭାରତରେ ରାତି ସାଢେ ୧୦ଟାରୁ ଆରମ୍ଭ ହେବ । କାର୍ଯ୍ୟକ୍ରମରେ କୃତ୍ରିମ ବୁଦ୍ଧିମତା ବିଶିଷ୍ଟ ସୁବିଧାକୁ ଅଧିକ ଗୁରୁତ୍ବ ଦିଆଯାଉଛି । ଏହି ସିରିଜ୍ ଆଇଓଏସ୍ ୧୮ ଅପରେଟିଂ ସିଷ୍ଟମରେ ଚାଲିବ ।
