ନୂଆଦିଲ୍ଲୀ : ବଦଳୁଥିବା ସମୟ ସହ ମୋମୋ ଅନେକ ଲୋକଙ୍କ ପ୍ରିୟ ଖାଦ୍ୟ ତାଲିକାରେ ଯୋଡି ହୋଇ ସାରିଛି । ବିଭିନ୍ନ ଉପାୟରେ ଏହାକୁ ପ୍ରସ୍ତୁତ କରି ଲୋକେ ମୋମୋ ଖାଇବାକୁ ପସନ୍ଦ କରୁଛନ୍ତି । ବଜାରରେ ମଧ୍ୟ ଏହା ଭିନ୍ନ ଭିନ୍ନ ଶୈଳୀରେ ପ୍ରସ୍ତୁତ କରି ବିକ୍ରି କରୁଛନ୍ତି । ଏବେ ବଜାରରେ ତନ୍ଦୁରୀ ମୋମୋ ସହ ଗ୍ରେଭି ମୋମୋ ମଧ୍ୟ ମିଳୁଛି । ଏହା ମଧ୍ୟରେ ବଜାରରେ ଏକ ନୂଆ ପ୍ରକାର ମୋମୋ ଭାଇରାଲ ହେଉଛି । ଯାହାର ନାଁ ଶୁଣିଲେ ହିଁ ଆଶ୍ଚର୍ଯ୍ୟ ହୋଇଯିବେ। ଏହାର ନାମ ବ୍ଲାକ କୋବ୍ରା ମୋମୋ। ଏହା ଚଟପଟା ସହ ଠିକ୍ ବ୍ଲାକ୍ କୋବ୍ରା ଭଳି ଦେଖାଯାଉଛି ବୋଲି ଲୋକେ କହିଛନ୍ତି ।
ସେପ୍ଟେମ୍ବର ୨ରେ ଦୁର୍ଲ୍ଲଭ ଯୋଗ ; ଜାଣନ୍ତୁ କେଉଁ ୫ ରାଶି ହେବେ ଭାଗ୍ୟଶାଳୀ..
ନିକଟରେ ସୋସିଆଲ ମିଡିଆରେ ଏହାର ଭିଡିଓ ଖୁବ୍ ଭାଇରାଲ ହେଉଛି । ଭିଡିଓରେ ଆପଣ ଦେଖିପାରିବେ, ସର୍ବ ପ୍ରଥମେ ଜଣେ ବ୍ୟକ୍ତି ଏକ ଦୋକାନରେ ଗ୍ୟାସରେ ବଡ କଡେଇ ରଖିଛନ୍ତି । ବ୍ୟକ୍ତି ଜଣକ ମୋମୋକୁ ଏହି କଡେଇରେ ପକାଉଛନ୍ତି । ଏହାପରେ ବିଭିନ୍ନ ପ୍ରକାର ମସଲା ପକାଉଛନ୍ତି । ଏହାକୁ ଭଲ ଭାବେ ମିଶ୍ରଣ କରୁଛନ୍ତି । ଧିରେ ଧିରେ ମୋମୋର ରଙ୍ଗ ବଦଳି କଳା ରଙ୍ଗର ଗ୍ରେଭି ହୋଇ ଯାଉଛି । ଏହାପରେ ଦୋକାନୀ ଜଣକ ଏକ ପ୍ଲେଟକୁ ମୋମୋକୁ କାଢି କିଛି ପନିପରିବା ସହ ସଜାଇ ଦେଉଛନ୍ତି । ଭିଡିଓକୁ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଉଛନ୍ତି ।ଏହା ଜୟପୁରରେ ବୋଲି ଜଣାପଡିଛି ।
Comments are closed.