କଟକ : କଲିକତାର ପୂର୍ବାଞ୍ଚଳ ସାଂସ୍କୃତିକ କେନ୍ଦ୍ର ଏବଂ ଭାରତ ସରକାରଙ୍କ ସଂସ୍କୃତି ମନ୍ତ୍ରାଳୟର ମିଳିତ ଆନୁକୂଲ୍ୟରେ କଟକ କଳାବିକାଶ କେନ୍ଦ୍ରରେ ଆଜି( ମଙ୍ଗଳବାର) ଦୁଇ ରାଜ୍ୟ ମଧ୍ୟରେ ସଂସ୍କୃତି ଆଦାନପ୍ରଦାନର ପର୍ବ ‘କଳାକ୍ରାନ୍ତି’ ଆୟୋଜିତ ହେବାକୁ ଯାଉଛି। ଏଥିରେ ମହାରାଷ୍ଟ୍ର ଏବଂ ଓଡ଼ିଶାର କଳା ଓ ସଂସ୍କୃତିର ଆଦାନପ୍ରଦାନ ହେବ ବୋଲି ସୋମବାର ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି। ଏହି ମହୋତ୍ସବର ନାମ ରହିଛି ‘କଳାକ୍ରାନ୍ତି-ଏକ ଭାରତ ଶ୍ରେଷ୍ଠ ଭାରତ’ ଏବଂ ଏଥିରେ ମହାରାଷ୍ଟ୍ରର ୨ଟି ଓ ଓଡ଼ିଶାର ୩ଟି ନୃତ୍ୟଦଳ ଯୋଗ ଦେଉଛନ୍ତି। ସମୁଦାୟ ୫୦ଜଣ ଶିଳ୍ପୀ ପ୍ରଦର୍ଶନ ରଖିବେ। ମହାରାଷ୍ଟ୍ରର ଲବଣୀ ଓ ଗୋନ୍ଧାର ଏବଂ ଓଡ଼ିଶାର ଓଡ଼ିଶୀ, ଗୋଟିପୁଅ ଓ ସମ୍ବଲପୁରୀ ନୃତ୍ୟ ପ୍ରଦର୍ଶିତ ହେବ ବୋଲି କଳାବିକାଶ କେନ୍ଦ୍ର ସମ୍ମିଳନୀ କକ୍ଷରେ ଆୟୋଜିତ ସାମ୍ବାଦିକ ସମ୍ମିଳନୀରେ ପୂର୍ବାଞ୍ଚଳ ସାଂସ୍କୃତିକ କେନ୍ଦ୍ରର ନିର୍ଦେଶକ ଆଶିଷ ଗିଲ୍, ସହନିର୍ଦେଶକ ଡ.ତାପସ ସାମନ୍ତରାୟ ଓ କାର୍ଯ୍ୟକ୍ରମ ନିର୍ବାହୀ ଜୟଦୀପ ଘୋଷ ଗଣମାଧ୍ୟମକୁ ସୂଚନା ଦେଇଛନ୍ତି।
Comments are closed.