ଭୁବନେଶ୍ବର : ଆସନ୍ତା ୩୧ରେ ସୃଷ୍ଟି ହେବାକୁ ଥିବା ଘୂର୍ଣ୍ଣିବଳୟ ପ୍ରଭାବରେ ରାଜ୍ୟରେ ୩୧ରୁ ଅଗଷ୍ଟ ୨ ତାରିଖ ପର୍ଯ୍ୟନ୍ତ କେତେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ ବୋଲି ଭୁବନେଶ୍ବର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି। କଟକ, ଢେଙ୍କାନାଳ, ନୟାଗଡ଼, ଅନୁଗୋଳ ଏବଂ ଯାଜପୁର ଜିଲାରେ ଅତିପ୍ରବଳ ବର୍ଷାର ସମ୍ଭାବନା ରହିଛି। ସେହିପରି ଅଗଷ୍ଟ ପହିଲାରୁ ୨ ତାରିଖ ପର୍ଯ୍ୟନ୍ତ ଢେଙ୍କାନାଳ, ଅନୁଗୋଳ, ବୌଦ୍ଧ, କଟକ ଓ ନୟାଗଡ଼ ଜିଲାକୁ ପ୍ରବଳରୁ ଅତି ପ୍ରବଳ ବର୍ଷା ନେଇ ସତର୍କତା ଜାରି ହୋଇଛି। ଗତ ୨୪ ଘଣ୍ଟା ମଧ୍ୟରେ ଜଗତସିଂହପୁରର କୁଜଙ୍ଗରେ ସର୍ବାଧିକ ୧୧୦ ମି.ମି, ଯାଜପୁର ବରୀରେ ୮୬.୮ ମି.ମି., କେନ୍ଦ୍ରାପଡ଼ାର ଆଳିରେ ୪୫ ମି.ମି, କଟକ ୩୮.୪ ମି.ମି., କରଞ୍ଜିଆରେ ୩୭.୩ ମି.ମି., ବିରିଡ଼ିରେ ୩୭.୧ ମି.ମି., ପାରାଦ୍ବୀପ ୩୫.୮ ମି.ମି., ଓଡ଼ଗାଁ ୩୨.୨ ମି.ମି., କଣ୍ଟାପଡ଼ାରେ ୩୧ ମି.ମି. ବର୍ଷା ହୋଇଛି। ଆଜି କେନ୍ଦୁଝର, ମୟୂରଭଞ୍ଜ, ବାଲେଶ୍ବର, ଭଦ୍ରକ ଏବଂ ଯାଜପୁର ଜିଲାରେ ବର୍ଷା ହୋଇପାରେ। ଏଥିପାଇଁ ସତର୍କ ରହିବାକୁ ଜିଲା ପ୍ରଶାସନକୁ ଏସ୍ଆରସି ନିର୍ଦେଶ ଦେଇଛନ୍ତି।
Comments are closed.