ରାସରସିକପୁର ସ୍କୁଲରେ ଶିକ୍ଷା ସପ୍ତାହ

ଆଠଗଡ: ଆଠଗଡ ସହରର ରାସରସିକପୁର ସ୍କୁଲରେ ଚାଲିଥିବା ବିଦ୍ୟାଳୟସ୍ତରୀୟ ଶିକ୍ଷା ସପ୍ତାହର ଷଷ୍ଠ ଦିବସରେ ଇକୋ କ୍ଲବ ଗଠନ ସହିତ ଚାରା ରୋପଣ କରାଯାଇଥିଲା। ଏହି ସପ୍ତାହ ବ୍ୟାପୀ କାର୍ଯ୍ୟକ୍ରମର ପ୍ରଥମ ଦିନରେ ଶିକ୍ଷଣ ସାମଗ୍ରୀ ପ୍ରସ୍ତୁତି, ୨ୟ ଦିନରେ ମୌଳିକ ଶାକ୍ଷରତା ଓ ସଂଖ୍ୟା ଜ୍ଞାନ, ୩ୟ ଦିନରେ ଗଳ୍ପ କଥନ, ୪ର୍ଥ ଦିନରେ କ୍ରୀଡା ପ୍ରତିଯୋଗିତା, ୫ମ ଦିନରେ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ଛାତ୍ରଛାତ୍ରୀ ନୃତ୍ୟ ସଂଗୀତ ପରିବେଷଣ କରିଥିଲେ। ଷଷ୍ଠ ଦିବସରେ ପ୍ରଧାନଶିକ୍ଷକ ଦେବରାଜ ନାୟକଙ୍କ ସଂଯୋଜନାରେ ଇକୋ କ୍ଲବ ଗଠନ ସହିତ ଚାରା ରୋପଣ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏଥିରେ ପ୍ରଧାନଶିକ୍ଷକ ଶ୍ରୀ ନାୟକଙ୍କ ସମେତ ସିଆରସିସି ମୁରଲୀଧର ସାହୁ ଓ ଅନ୍ୟ ଶିକ୍ଷକ/ଶିକ୍ଷୟିତ୍ରୀ ଛାତ୍ରଛାତ୍ରୀଙ୍କୁ ଇକୋ କ୍ଲବ ଗଠନର ଉଦ୍ଦେଶ୍ୟ ଏବଂ ବୃକ୍ଷର ଉପକାରିତା ଓ ପରିବେଶ ସୁରକ୍ଷା ଲାଗି ବୃକ୍ଷର ଆବଶ୍ୟକତା ବିଷୟରେ ବୁଝାଇଥିଲେ।

ଅଧିକ ସମ୍ବାଦ ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://samajalive.in

ମୋବାଇଲରେ ସମ୍ବାଦ ପାଇବା ପାଇଁ ଏହି ଲିଙ୍କରେ କ୍ଲିକ କରି ଆମ ହ୍ଵାଟସ ଆପ ଗୃପରେ ଜଏନ କରନ୍ତୁ: https://chat.whatsapp.com/8tkc88wC0L7089V56S8SyG

ସମାଜ ଡିଜିଟାଲ ନିଉଜ ଅପଡେଟ ଚ୍ୟାନେଲରେ ଫଲୋ କରିବା ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://whatsapp.com/channel/0029VaKt8Sq0gcfMSlTf6B43