ଏହି ୪ ଆତଙ୍କବାଦୀଙ୍କୁ ଧରାଇଲେ ପୁଲିସ ଦେବ ୨୦ଲକ୍ଷ ପୁରସ୍କାର: ଜାରି ହେଲା ସ୍କେଚ୍‌‌

ଜାମ୍ମୁ: ଡୋଡା ଜିଲାରେ ଦୁଇଟି ଆକ୍ରମଣରେ ସମ୍ପୃକ୍ତ ଚାରିଜଣ ଆତଙ୍କବାଦୀଙ୍କ ସ୍କେଚ୍‌‌ ଜାରି କରିଛି ଜାମ୍ମୁ-କାଶ୍ମୀର ପୁଲିସ। ଏମାନଙ୍କୁ ଧରିବା ପାଇଁ ସହାୟତା କଲେ ୨୦ଲକ୍ଷ ଟଙ୍କାର ପୁରସ୍କାର ରାଶି ଦିଆଯିବ ବୋଲି ପୁଲିସ ଘୋଷଣା କରିଛି। ମଙ୍ଗଳବାର ଦିନ ଏହି ଆତଙ୍କବାଦୀମାନେ ଭଦ୍ରୱାସ୍ଥିତ ଚତରଗଲ୍ଲା ଠାରେ ୪ଟି ରାଷ୍ଟ୍ରୀୟ ରାଇଫଲ ଓ ପୁଲିସର ମିଳିତ ପୋଷ୍ଟରେ ଗୁଳି ଚଳାଇଥିଲେ। ଏହାସହିତ ଜିଲାର ଗଣ୍ଡୋହ ଅଞ୍ଚଳରେ ଏକ ସର୍ଚ୍ଚ ଅପରେସନ ଟିମ୍‌‌ ଉପରେ ଆକ୍ରମଣ କରିଥିଲେ। ଫଳରେ ଜଣେ ପୁଲିସ କର୍ମୀଙ୍କ ସହିତ ସାତ ଜଣ ସୁରକ୍ଷାକର୍ମୀ ଆହତ ହୋଇଥିଲେ।
ପୁଲିସ ମୁଖପାତ୍ର ସୂଚନା ଦେଇ କହିଛନ୍ତି ଯେ ଜାମ୍ମୁ-କାଶ୍ମୀର ପୁଲିସ ୪ଜଣ ଆତଙ୍କବାଦୀଙ୍କ ସ୍କେଚ୍‌‌ ଜାରି କରିଛି। ଏହି ୪ଜଣ ଭଦ୍ରୱାହ, ଥାଥରୀ, ଗଣ୍ଡୋହ ଅଂଚଳରେ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ରହିଛନ୍ତି। ଏମାନଙ୍କ ନାଁରେ ମୋଟ ୨୦ଲକ୍ଷ ପୁରସ୍କାର ରାଶି ଘୋଷଣା କରାଯାଇଛି। ଏମାନଙ୍କୁ ଧରିବାକୁ ସୂଚନା ଦେଲେ ପ୍ରତ୍ୟେକଙ୍କୁ ପାଇଁ ୫ଲକ୍ଷ ଟଙ୍କା ଲେଖାଏଁ ପୁରସ୍କାର ରାଶି ପ୍ରଦାନ କରାଯିବ। ଏମାନଙ୍କ ସମ୍ପର୍କରେ କିଛି ବି ସୂଚନା ପାଇଲେ ପୁଲିସକୁ ତୁରନ୍ତ ଖବର ଦେବାକୁ ଜାମ୍ମୁ-କାଶ୍ମୀର ପୁଲିସ ଲୋକଙ୍କୁ ଅପିଲ୍‌‌ କରିଛି।