ଜମ୍ମୁ-କାଶ୍ମୀର: ପୁଅଙ୍କ ସହିତ ଧୁଆଁଦାର ବ୍ୟାଟିଂ କରୁଛନ୍ତି ତୃତୀୟ ଶ୍ରେଣୀରେ ପଡୁଥିବା ଏହି ବାଳିକା। କ୍ରିକେଟ ମୈଦାନରେ ସବୁ ପ୍ରକାର ସଟ୍ ଖେଳି ସମସ୍ତଙ୍କୁ ଚମକାଇ ଦେଇଛନ୍ତି ଜମ୍ମୁ-କାଶ୍ମୀରର ବାସିନ୍ଦା ହୁରମତ୍ ଇରଶାଦ। ବର୍ତ୍ତମାନ ସୋସିଆଲ ମିଡ଼ିଆରେ ଛାଇଯାଇଛନ୍ତି ହୁରମତ୍। ନିକଟରେ ସୋସିଆଲ ମିଡ଼ିଆରେ ସେ ବ୍ୟାଟିଂ କରୁଥିବାର ଏକ ଭିଡ଼ିଓ ଭାଇରାଲ ହୋଇଥିଲା। ଏହି ଭିଡ଼ିଓକୁ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଏବଂ ଭାରତୀୟ ମହିଳା କ୍ରିକେଟ ଦଳର ପୂର୍ବତନ କ୍ୟାପଟେନ ମିତାଲି ରାଜ ଦେଖିବା ପରେ ଭୁରି ଭୁରି ପ୍ରଶଂସା କରି ଏକ୍ସ ଆକାଉଣ୍ଟରେ ପୋଷ୍ଟ କରିଥିଲେ। ବ୍ୟାଟିଂର ଏଭଳି କୌଶଳ ହୁରମତ୍ କିପରି ଶିଖଲେ ଏବଂ ସେ ଭବିଷ୍ୟତରେ ଜଣେ ଭଲ କ୍ରିକେଟର ହୋଇପାରିବେ ବୋଲି କହିଛନ୍ତି।
Always good to see young girls playing cricket. Watching videos like these brings a smile to my face. https://t.co/LaQv9ymWRx
— Sachin Tendulkar (@sachin_rt) March 30, 2024
ଜମ୍ମୁ-କାଶ୍ମୀରର ସୋପେର ଭଳି ଏକ ଛୋଟ ଗାଁରେ ରହୁଥିବା ହୁରମତ୍ ଟିଭିରେ ମିତାଲି ରାଜଙ୍କୁ କ୍ରିକେଟ ଖେଳୁଥିବା ଦେଖି ସେ କ୍ରିକେଟ ଖେଳିବାକୁ ମନ ବଳାଇଛନ୍ତି। ସଚିନ ତେନ୍ଦୁଲକର, ବିରାଟ କୋହଲି, କେ.ଏଲ୍ ରାହୁଲ, ରୋହିତ ଶର୍ମା, ଶୁଭମନ୍ ଗିଲ୍, ଇଶାନ କିଶାନଙ୍କ ଦ୍ୱାରା ହୁରମତ୍ ପ୍ରଭାବିତ ହୋଇ କ୍ରିକେଟ ଖେଳୁଛନ୍ତି। କ୍ରିକେଟର ନିଶା ହୁରମତଙ୍କୁ ଏଭଳି ଘାରିଛି ଯେ ସେ ଗାଁର ସବୁ ପୁଅ ପିଲାଙ୍କୁ ନେଇ ଏକ ଟିମ କରି ନିଜେ କ୍ୟାପଟେନ ହୋଇ ମ୍ୟାଚ ଖେଳୁଛନ୍ତି। ହୁରମତଙ୍କ ଜେଜେ ହିଁ ତାଙ୍କୁ ବ୍ୟାଟ ଧରାଇ ଖେଳିବାକୁ ସାହାସ ଦେଇଛନ୍ତି। ଏତେ ଛୋଟ ବୟସରଙ୍କ ଭଲ କ୍ରିକେଟ ଖେଳୁଥିବାରୁ ପରିବାର ଲୋକେ ଖୁସି ବ୍ୟକ୍ତ କରିଛନ୍ତି। ହୁରମତଙ୍କ ପାଠ ପାଢା ସାଙ୍ଗକୁ କ୍ରିକେଟ ପାଇଁ ତାଙ୍କୁ ସ୍କୁଲ ପକ୍ଷରୁ ସ୍କଲାରସିପ୍ ପ୍ରଦାନ କରାଯାଉଛି। ହୁରମତଙ୍କ ସ୍ୱପ୍ନ ଦିନେ ସେ ନୀଳ ଜର୍ସି ପିନ୍ଧି ଭାରତୀୟ ଦଳରେ ସାମିଲ ହୋଇ କ୍ରିକେଟ ଖେଳିବେ।
